ईसा तडवी, प्रतिनिधी
पाचोरा, 12 मार्च : लोकसभा निवडणुक अवघ्या काही दिवसांवर आली असताना जिल्हाभरासह तालुक्यात राजकीय पक्षप्रवेशाची संख्या वाढली आहे. दरम्यान, पाचोरा तालुक्यात भाजपने शिवसेना (शिंदे गट) व राष्ट्रवादी काँग्रेसला जोरदार धक्का दिला आहे. तालुक्यातील आंबेवडगाव गावाच्या ग्रामपंचायतीतील शिवसेनाच्या (शिंदे गट) सदस्यांसह अनेक कार्यकर्त्यांनी भाजपात पक्षप्रवेश केला आहे.
ग्रामपंचायत सदस्या सुवर्णा दीपक गायकवाड यांच्यासह सुनील देवरे, नितीन कोळपे, वैभव वाघ, दगडू चौरे, समाधान पाटील, सुनील कोळी, नसीर तडवी यांच्यासह राष्ट्रवादीच्या असंख्य कार्यकर्त्यांनी भाजपा विधानसभा निवडणूक प्रमुख अमोल शिंदे यांच्या नेतृत्वात भारतीय जनता पार्टी प्रवेश केला आहे. यावेळी माजी पंचायत समितीचे माजी सभापती बन्सीलाल पाटील यांच्यासह पाचोरा भाजपचे पदाधिकारी उपस्थित होते.
पाचोरा शहरातील श्रीकृष्ण नगर भागातील शिंदे गटातील सर्वच्या सर्व पदाधिकारी व कार्यकर्त्यांनी नुकताच भाजपात प्रवेश केल्यानंतर आंबेवडगाव येथील ग्रामपंचायत सदस्य व कार्यकर्ते यांनी सोड चिठ्ठी दिल्याने सत्तेत असणाऱ्या आमदार किशोर पाटील यांना हा नक्कीच जोरदार धक्का असल्याची मानले जात आहे.
हेही वाचा : राज ठाकरेंना मोठा धक्का, वसंत मोरे यांनी मनसेला केला अखेरचा जय महाराष्ट्र, काय आहे कारण?
