ईसा तडवी, प्रतिनिधी
पिंपळगाव हरेश्वर, (पाचोरा) 31 मे : महाराष्ट्र राज्य माध्यमिक आणि उच्च माध्यमिक शिक्षण मंडळाच्यावतीने नुकताच दहावीचा निकाल जाहीर झाला. यंदा दहावीच्या निकालात कोकण विभाग अव्वल ठरला असून नागपूर विभागाचा निकाल सर्वाधिक कमी लागला आहे. दरम्यान, पाचोरा तालुक्यातील पिंपळगाव हरेश्वर येथील ग्रामविकास विद्यालयाचा निकाल ८७.१७ टक्के लागला.
गेल्या अनेक दिवसांपासून दहावीच्या विद्यार्थ्यांना निकालाची प्रतिक्षा असताना नुकताच दहावीचा निकाल जाहीर करण्यात आला. यामध्ये पाचोरा तालुक्यातील पिंपळगाव हरेश्वर येथील ग्रामविकास विद्यालय व उच्च माध्यमिक विद्यालयाचा निकाल ८७.१७ टक्के लागला आहे. यामध्ये हर्षदा संजय पाटील (९२.४०%), जिया समाधान बडगुजर (९१.८०% ), स्वरा सचिन महाजन (९१.२०%) यांनी अनुक्रमे प्रथम, द्वितीय आणि तृतीय क्रमांक पटकावला.
विषयात प्राविण्य मिळविलेले विद्यार्थी –
मराठी – स्वरांगी मुकुंद कडूस (९४), हिंदी – ठाकुर पूजा राजू (८५), इंग्रजी – महाजन स्वरा सचिन (९०), राऊत ऋषिकेश दिपक (९०), जिया समाधान बडगुजर (९०), समाजशास्त्र – जिया समाधान बडगुजर (९३), विज्ञान – पाटील हर्षदा संजय (९४), गणित – चौधरी स्वरूप मुकेश (९०), संस्कृत – स्वरा सचिन महाजन (८८), बेलदार अंकिता अवधूत(८८), मंडावरे सुशांत भरत(८८), तांत्रिक – रामसे उदय विजय (९७)
पूजा राजू ठाकूरचे यश –
पिंपळगाव हरेश्वर ग्रामविकास महाविद्यालयाच्या दहावीच्या निकालात हिंदी विषयात पूजा राजू ठाकूर ही विद्यार्थीनी प्रथम क्रमांकाने उत्तीर्ण झाली असून तिने हिंदी विषयांमध्ये 85 मार्क मिळवले. तसेच ती एसटी कॅटेगिरी मधून मुलींमध्ये पहिल्या क्रमांकाने पास झाली. दरम्यान, तिचे सर्वेकडे कौतुक होत आहे व ती पत्रकार राजू ठाकूर यांची मुलगी आहे.
