मुंबई, 3 जुलै : ‘मुख्यमंत्री-माझी लाडकी बहीण’ योजनेसाठी आता ऑनलाईन पद्धतीने देखील अर्ज करता येणार आहे. ‘नारी शक्ती दूत ॲप’वर ‘मुख्यमंत्री-माझी लाडकी बहीण’ योजनेसाठी ऑनलाईन पद्धतीने अर्ज करता येणार आहे. राज्याच्या महिला व बालविकास मंत्री आदिती तटकरे यांनी या पद्धतीचे आदेश दिले आहेत.
काय आहे संपुर्ण बातमी? –
‘मुख्यमंत्री-माझी लाडकी बहीण’ योजनेच्या अंमलबजावणी संदर्भात महिला व बालविकास मंत्री आदिती तटकरे यांच्या अध्यक्षतेखाली मंत्रालयात काल बैठक पार पडली. या बैठकीत ‘नारी शक्ती दूत ॲप’वर ‘मुख्यमंत्री-माझी लाडकी बहीण’ योजनेसाठी ऑनलाईन अर्ज करता येणार आहे. योजनेच्या यशस्वी अंमलबजावणीसाठी सर्व जिल्हाधिकारी व मुख्य कार्यकारी अधिकाऱ्यांनी आवश्यक दाखल्यांची पूर्तता समन्वयाने व जलदगतीने करावी, असे आदेश महिला व बालविकास मंत्री आदिती तटकरे यांनी दिले.
‘मुख्यमंत्री-माझी लाडकी बहीण’ योजनेच्या अंमलबजावणी संदर्भातील बैठकीत महिला व बालविकास विभागाचे सचिव डॉ. अनुप कुमार यादव तसेच दूरदृश्य संवाद प्रणालीच्या माध्यमातून सर्व जिल्ह्यातील मुख्य कार्यकारी अधिकारी आणि जिल्हाधिकारी उपस्थित होते.
हेही वाचा : Accident News : दुचाकीच्या अपघातात तरूणाचा मृत्यू; दोन जखमी, पारोळा तालुक्यातील घटना
