मिलिंद वाणी, प्रतिनिधी
चोपडा, 10 सप्टेंबर : चोपडा तालुक्यात 13 वर्षीय चिमुरडीवर अत्याचार करून निर्दयीपणे तिची हत्या करण्यात आल्याची घटना घडली. दरम्यान, या घटनेमुळे संतप्त व्यक्त करत महाविकास आघाडीने सदर आरोपीस फाशीची शिक्षा व्हावी, अशी मागणी केली आहे. याबाबतचे निवदेन त्यांनी प्रशासनाला दिले आहे.
कठोर कारवाई करण्याची मागणी –
महाविकास आघाडीच्यावतीने चोपडा बालिका अत्याचार प्रकरणी चोपडा तहसीलदारांना निवेदन देण्यात आले. ज्यामध्ये या अमानवीय प्रवृत्तीच्या नाराधमांवर वचक बसवण्यासाठी कठोर कारवाई करण्याची मागणी करण्यात आली. या निवेदन प्रसंगी महाविकास आघाडीचे ज्येष्ठ नेते व अनेक कार्यकर्ते मोठ्या संख्येने उपस्थित होते. त्यांनी या घटनेचा तीव्र निषेध व्यक्त केला आणि सरकारने त्वरित आरोपीस कठोर शिक्षा द्यावी, अशी मागणी यावेळी करण्यात आली.
चोपडा बालिका अत्याचार प्रकरण –
चोपडा तालुक्यातील एका गावात 11 वर्षीय मुलगी ही शनिवारी सायंकाळी घराजवळ असताना संशयित तेथे आला आणि त्याने या मुलीला शेताकडे नेत अत्याचार केला. यानंतर त्याने तिच्या डोक्यात दगड घालून खून केल्याची घटना 7 सप्टेंबर रोजी सायंकाळी उघडकीस आली. याप्रकरणी संशयित आरोपीला अटक करण्यात आली आहे. याप्रकरणी पोलिसांचा पुढील तपास सुरू आहे.
हेही वाचा : Jalgaon Police : चिमुकल्याला वाचविण्यासाठी पोलीस तरूणीने नदीत घेतली उडी, जळगावात नेमकं काय घडलं?
