मिलिंद वाणी, प्रतिनिधी
चोपडा, 29 सप्टेंबर : चोपडा एज्युकेशन सोसायटी संचालित प्रताप विद्या मंदिर इंग्लिश मीडियम स्कूल मध्ये विद्यार्थ्यांसाठी अनोखा उपक्रम राबविण्यात आला. विद्यार्थ्यांनी शाळेमध्ये दररोज यावे, विद्यार्थ्यांच्या सुप्त गुणांना वाव मिळावा तसेच शाळेबद्दल मुलांना आत्मीयता निर्माण व्हावी यासाठी शाळेच्या वतीने ज्या विद्यार्थ्यांची शंभर टक्के हजेरी असेल अशा सर्व विद्यार्थ्यांना प्रताप विद्या मंदिर इंग्लिश मीडियम स्कूल च्या वतीने “शाळेमध्ये शंभर टक्के हजेरी आहे” अशा पद्धतीचा बॅच लावून त्या विद्यार्थ्यांचा सन्मान केला गेला.
दरम्यान, विद्यार्थ्यांमध्ये एक जनजागृती त्याचबरोबर विद्यार्थ्यांमध्ये शिक्षणाबाबत आवड निर्माण व्हावी आणि आपण शाळेत दररोज आले पाहिजे अशी भावना त्यांच्या मनात निर्माण होईल. तसेच विद्यार्थ्यांमध्ये अभ्यासाबाबतीत कोणत्याही पद्धतीची अडचण निर्माण होणार नाही. एक छोटासा बदल शाळेच्या वतीने करण्यात आला.
याप्रसंगी विद्यार्थ्यांचा सन्मान करताना चोपडा एज्युकेशन सोसायटीचे चेअरमन राजाभाई मयूर, अध्यक्षा शैलाबेन मयूर, उपाध्यक्ष विश्वनाथजी अग्रवाल, सचिव माधुरीताई मयूर, संचालक चंद्रहासभाई गुजराथी, गोविंदभाई गुजराथी आणि शाळेचे मुख्याध्यापक रजीश बालन सर उपमुख्याध्यापक निखिला मॅडम तसेच उपस्थित सर्व शिक्षक व शिक्षकेतर कर्मचारी बंधू-भगिनी उपस्थित होते.
हेही पाहा : Jalgaon जिल्ह्यातील एमरजन्सी लोडशेडिंग कधी बंद होणार?, IAS Ayush Prasad Exclusive Interview
