ईसा तडवी, प्रतिनिधी
पाचोरा, 29 ऑगस्ट : पाचोरा तालुक्यातील जारगाव ग्रामपंचायत हद्दीत पाचोरा-भडगाव विधानसभा मतदारसंघाचे आमदार किशोर पाटील यांच्या हस्ते विविध कामांचे भूमिपुजून व उद्घाटन सोहळा पार पडला. यावेळी शिवसेना पदाधिकारी व ग्रामस्थ मोठ्या संख्येने उपस्थित होते.
आमदार किशोर पाटील यांनी सर्वप्रथम जारगाव ग्रामपंचायत हद्दीत विविध विकास कामांचा उद्घाटन सोहळा पार पडला. तसेच यावेळी आमदार किशोर पाटील व सुनीता किशोर पाटील यांच्या हस्ते भूमिपूजन करण्यात आले. यानंतर आमदार किशोर पाटील यांनी या विविध विकास कामांचे भूमिपूजन व उद्घाटन प्रसंगी आयोजित करण्यात आलेल्या मेळाव्यात उपस्थितांना संबोधित केले. तत्पुर्वी, मेळाव्यात शिवसेना प्रवक्ते प्रदीप देसले तसेच जिल्हाप्रमुख रावसाहेब पाटील यांनी उपस्थित असलेल्या कार्यकर्त्यांना आगामी विधानसभा निवडणुकीच्या पार्श्वभूमीवर मार्गदर्शन केले. तसेच निवडणुकीसाठी कामाला लागण्याच्या सूचना केल्या.
यावेळी उपजिल्हाप्रमुख किशोर बारवकर, लोकनियुक्त माजी नगराध्यक्ष संजय गोहिल, तालुकाप्रमुख तथा जारगाव ग्रामपंचायत सरपंच सुनील पाटील, कृषी उत्पन्न बाजार समिती सभापती गणेश पाटील यांच्यासह शिवसेना पदाधिकारी तथा कार्यकर्ते तसेच ग्रामस्थ उपस्थित होते.
हेही पाहा : Jalgaon जिल्ह्यातील एमरजन्सी लोडशेडिंग कधी बंद होणार?, IAS Ayush Prasad Exclusive Interview
