पाचोरा, 11 सप्टेंबर : पाचोरा शहरातील भारत डेअरी बस स्टॉप जवळ व नागसेन नगर येथील दिपक बागुल व राजेश खैरनार या गावठी दारू विक्रेत्यांवर आज कारवाई करण्यात आली.
पाचोरा दारुबंदी विभागाचे दुय्यम निरीक्षक विलास पाटील यांच्या नेतृत्वाखाली दारूबंदी विभागाचे पोलीस कर्मचारी गिरीश पाटील, नंदू पवार यांनी ही कारवाई केली. महाराष्ट्र दारूबंदी कायदा 1949 चे कलम 65 नुसार कारवाई केली आहे. यामध्ये तयार गावठी दारू विक्रेत्याकडून 60 लीटर गावठी पोटलीसह तयार 3390 रूपयांचा मुद्देमाल जप्त करण्यात आला आहे.
जिल्हा सर्वत्र गावठी दारू विरोधात धडक मोहीम सुरू असून ‘शासन आपल्या दारी ‘ या कार्यक्रमाच्या अनुषंगाने पाचोरा तालुक्यात देखील गावठी हातभट्टी विक्री आणि निर्मिती करणाऱ्या विरोधात कारवाईचे धाडसत्र राबविण्यात आले.
