मुंबई, 21 ऑक्टोबर : उपमुख्यमंत्री अजित पवार, सुनील तटकरे, प्रफुल्ल पटेल, छगन भुजबळ, सयाजी शिंदे या प्रमुख नावांसह विधानसभा निवडणुकीसाठी राष्ट्रवादी काँग्रेसने 27 स्टार प्रचारकांची घोषणा केली आहे. अभिनेते सयाजी शिंदे राष्ट्रवादीच्या स्टार प्रचारकांच्या यादीत आहे. महाराष्ट्रात आज 20 नोव्हेंबर रोजी होणाऱ्या विधानसभा निवडणुकीसाठी राष्ट्रवादी काँग्रेसने आज 27 स्टार प्रचारकांची यादी जाहीर केली आहे.
राष्ट्रवादी काँग्रेसच्या 27 स्टार प्रचारकांची घोषणा –
स्टार प्रचारकांच्या यादीत राष्ट्रवादीचे राष्ट्रीय अध्यक्ष अजित पवार, राष्ट्रवादी काँग्रेसचे प्रदेशाध्यक्ष सुनील तटकरे, राष्ट्रवादीचे कार्याध्यक्ष प्रफुल्ल पटेल, ज्येष्ठ नेते छगन भुजबळ आणि दिलीप वळसे पाटील यांचा समावेश आहे. पक्षाने नुकतेच पक्षात प्रवेश केलेले ज्येष्ठ अभिनेते सयाजी शिंदे यांचीही निवड यावेळी केली आहे. मंत्री धनंजय मुंडे, हसन मुश्रीफ, आदिती तटकरे हेही पक्षाचा स्टार प्रचारक म्हणून प्रचार करणार आहेत.
महाराष्ट्र विधानसभेचं संपूर्ण वेळापत्रक
- अर्ज भरण्याची तारीख – 29 ऑक्टोबर
- अर्ज माघार घेण्याची तारीख – 4 नोव्हेंबर
- मतदानाची तारीख – 20 नोव्हेंबर
- मतमोजणी – 23 नोव्हेंबर
हेही वाचा : शिरूरचे शिवसेना उध्दव ठाकरे गटाचे ज्ञानेश्वर कटके यांचा अजित पवार यांच्या राष्ट्रवादी काँग्रेसमध्ये प्रवेश
