एरंडोल, 30 एप्रिल: एरंडोल शहरातील भीमनगर येथे भगवान गौतम बुद्ध यांच्या जयंतीनिमित्त बुद्ध जयंती समितीची बैठक बुधवारी 29 एप्रिल रोजी उत्साहपूर्ण वातावरणात पार पडली. रीतशिर भीमनगर मित्र मंडळाच्या वतीने आयोजित या बैठकीत समाजात शांती, करुणा, समता आणि मानवतेचा संदेश अधिक प्रभावीपणे पोहोचवण्याचा निर्धार व्यक्त करण्यात आला.
बैठकीत सर्वानुमते सुमित उर्फ लकी भाऊ शिंदे यांची अध्यक्षपदी निवड करण्यात आली. उपाध्यक्षपदी बंटी सरदार, खजिनदारपदी रोहित गायकवाड तर कार्याध्यक्ष म्हणून सागर सरदार, सचिन बोरसे, आकाश इंगळे आणि उमेश बोरसे यांची निवड करण्यात आली. यावेळी प्रमुख मार्गदर्शक म्हणून प्रकाश शिंदे, नितीन बोरसे, रवी बोरसे, अभिषेक शिंदे, लखन बनसोडे, प्रवीण बाविस्कर, जितेंद्र बोडरे, दिनेश बोरसे, मनोहर बोडरे आदींसह मोठ्या संख्येने भीमसैनिक उपस्थित होते.
बुद्ध जयंतीनिमित्त विविध कार्यक्रमांचे आयोजन –
बैठकीत बुद्ध जयंतीनिमित्त विविध सामाजिक, धार्मिक आणि जनजागृतीपर कार्यक्रमांचे नियोजन करण्यात आले. त्यानुसार १ मे रोजी सकाळी खीरदान कार्यक्रमाचे आयोजन करण्यात आले असून, समाजात बंधुभाव आणि मानवतेचा संदेश देण्यात येणार आहे. तसेच सायंकाळी ७ वाजता शहरातून भव्य बौद्ध शांती यात्रेचे आयोजन करण्यात आले आहे. ही यात्रा भगवान बुद्धांच्या शांती, करुणा आणि धम्माच्या विचारांचा प्रसार करणारी ठरणार आहे. यात्रेनंतर रात्री ९ वाजता सामूहिक भोजनाचा कार्यक्रम होणार आहे.
यावेळी उपस्थितांनी “बहुजन हिताय, बहुजन सुखाय” या तत्वांना केंद्रस्थानी ठेवून सर्व कार्यक्रम शांततामय, शिस्तबद्ध आणि उत्साहपूर्ण वातावरणात पार पाडण्याचा निर्धार व्यक्त केला.
हेही वाचा: गॅस सिलेंडर चोरी प्रकरणाचा पर्दाफाश; जळगाव स्थानिक गुन्हे शाखेकडून अट्टल टोळी जेरबंद
