वरणगाव (भुसावळ) : ऑर्डनन्स फॅक्टरी वरणगाव येथील सार्वजनिक बौद्ध विहारात परिसरातील सर्व बहुजन बांधवांकडून बुध्द पौर्णिमा काल मोठ्या उत्साहात साजरी करण्यात आली. यावेळी कार्यक्रमाच्या अध्यक्षस्थानी विहार कमेटीचे सचिव प्रकाश सोनवणे (निवृत्त मुख्याध्यापक) हे होते. अध्यक्षीय भाषणात त्यांनी तथागत भगवान बुद्धांचा ज्ञान प्राप्तीचा संघर्ष, त्यांनी निर्माण केलेली सामाजिक समतेची व्यवस्था, तसेच बुध्दांच्या मनातील समाज कसा असावा यासंदर्भात सविस्तर मार्गदर्शन केले.
बौद्ध पौर्णिमेचे अवचित्य साधून वरणगाव येथील ऑर्डनन्स फॅक्टरीती कर्मचारी सुमेध आचारे यांचा मुलगा कनिष्क याचा सैनिक स्कूल सातारा येथे पुढील शिक्षणासाठी नंबर लागल्यामुळे डॉ. बाबासाहेब आंबेडकर जयंती उत्सव समितीकडून त्याचा व परिवाराचा सत्कार करण्यात आला.
कार्यक्रमाच्या शेवटी सुहासिनी वानखेडे, योगिता रोमोशी व फॅक्टरी मधील महिला लेझीम पथक यांच्यावतीने खिरदान करण्यात आले. या कार्यक्रमाचे सुत्रसंचलन मोहन इंगळे यांनी तर आभार प्रदर्शन चंद्रकांत गवळी यांनी केले.
हेही वाचा : सामनेरच्या तरुणाची गरुडझेप! UPSC परीक्षेत मिळवलं मोठं यश; वाचा, कुणालची प्रेरणादायी कहाणी
