पाचोरा येथे प्रांताधिकारी यांच्या नेतृत्वात मतदार जनजागृतीसाठी सायकल रॅली

ईसा तडवी, प्रतिनिधी

पाचोरा, 3 एप्रिल : लोकसभा सार्वत्रिक निवडणूक 2024 च्या पार्श्वभूमीवर स्वीप कार्यक्रमांतर्गत जिल्ह्यात विविध ठिकाणी मतदार जनजागृतीचे विविध माध्यमातून कार्यक्रम सुरु आहेत. दरम्यान, पाचोरा येथे सहायक निवडणूक निर्णय अधिकारी तथा उपविभागीय अधिकारी पाचोरा भूषण अहिरे यांच्या नेतृत्वात आज सकाळी सायकल रॅलीचे आयोजन करण्यात आले. रॅलीमध्ये सर्व विभागाचे सुमारे 300 ते 350 अधिकारी / कर्मचारी सहभागी झाले.

सायकल रॅलीचे आयोजन –

जळगांव लोकसभा मतदार संघांतर्गत पाचोरा विधानसभा मतदार संघात मतदारांमध्ये मतदानाची टक्केवारी वाढावी तसेच मतदानाची जनजागृती करण्यासाठी पाचोरा येथे प्रशासनाने भव्य सायकल रॅलीचे आयोजन करत आज सकाळी 8.00 वाजता छत्रपती शिवाजी महाराज चौक ते एम. एम. कॉलेजपर्यंत रॅलीचे काढण्यात आली. रॅलीची सांगता एम. एम. कॉलेज ग्राऊंड, भडगांव रोड पाचोरा येथे सहायक निवडणूक निर्णय अधिकारी तथा उपविभागीय अधिकारी पाचोरा भूषण अहिरे यांच्या भाषणातून करण्यात आली.

मतदान जनजागृतीकामी ब्रँड अ‍ॅम्बेसेटर म्हणून महिला ऑटो रिक्षा चालक पाचोऱ्यातील नागसेन नगर येथील यांचा सहभाग नोंदविण्यात आला. दरम्यान, जनजागृती रॅलीत महसूल विभागातील पाचोरा तहसिलदार प्रविण चव्हाणके, भडगावचे तहसिलदार विजय बनसोडे, नायब तहसिलदार सुभाष कुंभार, अवल कारकून, मंडळ अधिकारी, महसूल सहायक, तलाठी व शिपाई कर्मचारी नगरपालिका विभागातील, मुख्याधिकारी, उप मुख्याधिकारी, पंचायत समिती, पाचोरा, गट विकास अधिकारी, शिक्षण विभाग व इतर प्रशासकीय विभाग यांनी देखील सहभाग नोंदविण्यात आला.

हेही वाचा : Breaking : जळगाव लोकसभा मतदारसंघात ट्विस्ट, करण पवार यांना उमेदवारी जाहीर, ‘असा’ आहे त्यांचा परिचय

बातमी शेअर करा !