जळगाव, 15 ऑगस्ट : राज्याचे उपमुख्यमंत्री अजित पवार हे उद्या 16 व 17 ऑगस्ट रोजी जळगाव जिल्ह्याच्या दौऱ्यावर येणार असून उद्या रात्री उशिराने त्यांचे जळगावात आगमन होणार आहे. त्यानंतर दौऱ्याच्या दुसऱ्या दिवशी ते विविध विकास कामांची पाहणी करणार आहेत. तसेच रविवार 17 ऑगस्ट रोजी त्यांच्या उपस्थितीत “समृद्ध खान्देश निर्धार मेळावा” आयोजित करण्यात आला आहे.
अजित पवार यांचा जळगाव जिल्हा दौरा –
उपमुख्यमंत्री अजित पवार यांचे उद्या 16 ऑगस्ट रोजी रात्री जळगावात आगमन झाल्यानंतर जैन हिल्स येथे ते मुक्काम करणार आहेत. यानंतर दुसऱ्या दिवशी म्हणजे 17 ऑगस्ट रोजी सकाळी चिंचोली येथील शासकीय वैद्यकीय महाविद्यालयाची पाहणी तसेच जिल्हाधिकारी कार्यालयातील जिल्हा नियोजन भवनाच्या विस्तारित इमारतीचे उद्घाटन करणार आहेत. तसेच जिल्ह्याच्या वरिष्ठ अधिकाऱ्यांसमवेत चर्चा देखील करणार आहे. आणि यानंतर ते जी.एस. मैदानावर आयोजित समृद्ध खान्देश निर्धार मेळाव्याला मार्गदर्शन करणार आहेत.
‘असा’ असेल दोन दिवसीय दौरा –
- शनिवार, दि. 16 ऑगस्ट रोजी रात्री 10.40 वाजता ते जळगाव विमानतळावर आगमन आणि तेथून मोटारीने जैन हिल्स, जळगाव येथे मुक्कामासाठी प्रस्थान
- रविवार, दि. 17 ऑगस्ट रोजी सकाळी ते मोटारीने शासकीय वैद्यकीय महाविद्यालय, चिंचोली, जि. जळगाव येथे सकाळी 8.00 वाजता आगमन आणि बांधकामाची पाहणी
- सकाळी 8.50 वाजता राष्ट्रवादी काँग्रेस पक्ष कार्यालय, शिवकॉलनी चौक, जळगाव येथे राखीव.
- सकाळी 10.15 वाजता जिल्हाधिकारी कार्यालय, जळगाव येथे आगमन आणि जिल्हा नियोजन भवनाच्या विस्तारित इमारतीचे उद्घाटन करतील आणि जिल्ह्याच्या वरिष्ठ अधिकाऱ्यांसमवेत चर्चा.
- दुपारी 12.00 वाजता जी.एस. ग्राऊंड, जळगाव येथे आगमन आणि “समृद्ध खान्देश निर्धार मेळावा” या कार्यक्रमास उपस्थिती.
- दुपारी 1.45 वाजता जळगाव विमानतळावर आगमन आणि दुपारी 1.50 वाजता विमानाने प्रयाण.
हेही वाचा : पैसे देण्याची कार्यवाही गतीने करून ठेवीदारांना दिलासा द्यावा – गृह राज्यमंत्री योगेश कदम
