जळगाव, 6 जून : महाराष्ट्र राज्याचे उपमुख्यमंत्री एकनाथ शिंदे हे आज जळगाव जिल्हा दौऱ्यावर येत असून आज संध्याकाळी मुक्ताईनगर तालुक्यातील कोथळी येथे “आदिशक्ती मुक्ताई” पालखी प्रस्थान सोहळ्यास ते उपस्थित राहणार आहेत.
“आदिशक्ती मुक्ताई” पालखी प्रस्थान सोहळ्यास उपस्थिती –
उपमुख्यमंत्री एकनाथ शिंदे हे आज मुक्ताईनगरात येत असून “आदिशक्ती मुक्ताई” पालखी प्रस्थान सोहळ्यास ते उपस्थिती लावणार आहेत. मुक्ताईनगर तालुक्यातील कोथळीतील आदिशक्ती मुक्ताई मंदीर येथे आज सायंकाळी 6 वाजता हा सोहळा पार पडणार आहे. या सोहळ्यास पालकमंत्री गुलाबराव पाटील यांच्यासह लोकप्रतिनिधींची उपस्थिती राहणार आहे.
‘असे’ आहे नियोजन –
- आज 6 जून – सायंकाळी 4 वाजता मोटारीने पुणे विमानतळाकडे प्रयाण
- सायंकाळी 4 वाजून 15 मिनिटांनी पुणे विमानतळ येथे आगमन
- तसेच विमानाने जळगाव विमानतळाकडे प्रयाण
- सायंकाळी 5 वाजता जळगाव विमानतळ येथे आगमन
- तसेच मोटारीने मुक्ताईनगरकडे प्रयाण
- सायंकाळी 5 वाजून 45 मिनिटांनी मुक्ताईनगरातील कोथळी येथे “आदिशक्ती मुक्ताई” पालखी प्रस्थान सोहळ्यास उपस्थिती
- सायंकाळी 6 वाजून 30 मिनिटांनी मोटारीने जळगाव विमानतळाकडे प्रयाण
- सायंकाळी 7 वाजून 15 मिनिटांनी जळगाव विमानतळ येथे आगमन
- तसेच शासकीय विमानाने मुंबई विमानतळाकडे प्रयाण
