ईसा तडवी, प्रतिनिधी
पाचोरा, 2 फेब्रुवारी : जळगाव जिल्ह्यात नुकत्याच पोलीस अधिकाऱ्यांच्या बदल्या करण्यात आल्या आहे. दरम्यान, पाचोरा तालुका पोलिस स्टेशनचे तत्कालीन पोलिस निरीक्षक राहुल खताळ यांची देखील बदली करण्यात आली आहे. तर त्यांच्या जागी अजून कोणीही आलेले नसल्याची माहिती समोर आली आहे. तसेच पाचोरा पोलिस स्टेशनमध्ये सहायक पोलिस निरीक्षकपदी धरमसिंग सुंदरडे यांची नियुक्ती करण्यात आली आहे.
धरमसिंग सुंदरडे यांचा परिचय –
पाचोरा पोलिस स्टेशनमध्ये नव्याने नियुक्त झालेले धरमसिंग सुंदरडे यांचे शिक्षण बीए, एलएलबी झाले आहे. तसेच त्यांनी स्पर्धा परीक्षेत यश मिळवल्याने पीएसआयपदी निवड झाली होती. सुरूवातीला त्यांची गडचिरोली येथे पीएसआय पदासाठी नियुक्ती झाली होती. सुंदरडे यांनी नक्षलवादी भाग योग्य पद्धतीने हाताळत गुन्हेगारांवर कारवाई केली होती.
त्यानंतर त्यांनी गडचिरोली जिल्ह्यातील धानोरा येथे तीन वर्षे कार्य केले. तर औरंगाबाद येथे तीन वर्ष सेवा दिली. सुंदरडे यांना सहाय्यक पोलीस निरीक्षकपदी बढती मिळाल्यानंतर त्यांनी जळगाव जिल्ह्यात जामनेर येथे दीड वर्ष आणि चाळीसगाव ग्रामीण पोलीस स्टेशनला तीन वर्षे सेवा दिली आहे. दरम्यान, आता त्यांची पाचोरा पोलिस स्टेशनमध्ये सहायक पोलिस निरीक्षकपदावर नियुक्ती देण्यात आली असून त्यांनी नुकताच पदभार स्विकारला आहे.
