ईसा तडवी, प्रतिनिधी
पाचोरा, 24 ऑक्टोबर : विधानसभा सार्वत्रिक निवडणूक 2024 करीता 18- पाचोरा विधानसभा मतदार संघासाठी नियुक्त केलेल्या निवडणूक निरीक्षक खर्च रोहित इंदोर (IRS) यांनी दिनांक 23 ऑक्टोबर 2024 रोजी पाचोरा येथे भेट दिली.
निवडणूक संदर्भातील कामकाजाचा आढावा –
सदर भेटीमध्ये निवडणूक निर्णय अधिकारी 18 – पाचोरा विधानसभा मतदार संघ तथा उपविभागीय अधिकारी, पाचोरा भाग पाचोरा यांचे कार्यालयात विधानसभा सार्वत्रिक निवडणूक 2024 करीता स्थापन करण्यात आलेला आचारसंहिता कक्ष, निवडणूक निर्णय अधिकारी कक्ष, मिडीया सेल, एक खिडकी कक्ष, संगणक कक्ष व मतदार सुविधा कक्षाची पाहणी करुन निवडणूक संदर्भातील कामकाजाचा आढावा घेतला व आवश्यक त्या सुचना संबंधितांना निर्गमित केल्यात.
महत्वाच्या दिल्या सूचना –
तदनंतर निवडणूक निर्णय अधिकारी कक्षात FST Team, VST Team, VVT Team, तसेच Control Room, निवडणूक खर्चाबाबत नियुक्ती अधिकारी व कर्मचारी यांची बैठक घेवुन निवडणूकीचे कामकाजाबाबत आढावा घेवुन FST व SST Team ने संशयित वाहनाची सखोल तपासणी करावी व त्या बाबतची नोंदवही ठेवावी व इतर नियुक्त अधिकारी यांना सर्व प्रकारचे अहवाल हे वेळेत व मुदतीत देणेबाबत सुचना दिल्यात.
सदर भेटी वेळी सहायक निवडणूक खर्च निरीक्षक, निवडणूक निर्णय अधिकारी, सहायक निवडणूक निर्णय अधिकारी व संबंधित अधिकारी, कर्मचारी हे उपस्थितीत होते.
हेही वाचा : सार्वत्रिक विधानसभा निवडणुकीच्या मतदानावेळी ओळख पटविण्यासाठी ‘हे’ पुरावे ग्राह्य धरले जाणार –
