ईसा तडवी, प्रतिनिधी
पाचोरा, 4 एप्रिल : खासदार पदाचा राजीनामा देत उन्मेष पाटील यांनी पारोळा नगरपालिकेचे माजी नगराध्यक्ष करण पवार यांच्यासह शिवसेना-उध्दव बाळासाहेब ठाकरे पक्षात काल प्रवेश केला. दरम्यान, उन्मेष पाटील व करण पवार यांचे पाचोरा रेल्वे स्थानकावर आज भव्य स्वागत करण्यात आले.
पाचोरा रेल्वे स्थानकावर स्वागत –
उन्मेष पाटील व करण पवार हे आज रेल्वेने ठाकरे गटाचे जिल्हा संपर्कप्रमुख संजय सावंत आणि सहकार्‍यांसह रेल्वेने जळगाव येथे दाखल झाले. याआधी पाचोरा रेल्वे स्थानकावर ट्रेन थांबली असतांना स्थानिक पदाधिकार्‍यांनी त्यांचे अतिशय जल्लोषात स्वागत केले. याप्रसंगी जोरदार घोषणाबाजीने संपूर्ण फलाटासह रेल्वे स्थानक दुमदुमल्याचे दिसून आले. नरेंद्रसिंग सुर्यवंशी आणि राजू भाऊ काळे यांनी पुष्पगुच्छ देऊन उन्मेष पाटील आणि करण पवार यांचे स्वागत केले.
यांची होती उपस्थिती –
याप्रसंगी अनिल सावंत शहर प्रमुख, ज्येष्ठ शिवसैनिक विकास वाघ, दादाभाऊ चौधरी, संजय चौधरी, राजू भैय्या पाटील, संतोष पाटील, खंडू सोनवणे, नामदेव चौधरी, नितीन लोहार, भूपेश सोमवंशी तालुका युवा अधिकारी, हरीश देवरे शहर युवाअधिकारी, मनोज चौधरी शहर युवा अधिकारी, अभिषेक खंडेलवाल, इमरान पिंजारी, सोनू शिंपी, प्रवीण वाघ, संदीप सिसोदिया, भरत पाटील, आणि जिभाऊ पाटील संभाजी ब्रिगेड सह समस्त पदाधिकारी व कार्यकर्ते यांची उपस्थिती होती.
