ईसा तडवी, प्रतिनिधी
पाचोरा, 25 एप्रिल : पाचोरा तालुक्यातील महावितरण उपकेंद्र लासगाव परिसरातील नागरिकांसाठी एक महत्त्वाची बातमी आहे.
आज दिनांक 25 एप्रिल रोजी शुक्रवारी आणि उद्या दिनांक 26 एप्रिल रोजी शनिवारी दोन दिवस संध्याकाळी 5 ते साडेसहा वाजेच्या दरम्यान, दीड तास वीजपुरवठा बंद राहणार आहे. 33 केव्ही लाईनच्या देखभाल (maintenance) साठी पाचोरा येथून हा वीजपुरवठा बंद राहणार आहे, अशी माहिती महावितरण उपकेंद्र लासगाव यांच्यावतीने देण्यात आली आहे.
महावितरण उपकेंद्र लासगाव अंतर्गत लासगाव, सामनेर, बांबरुड (राणीचे), लक्ष्मी अग्रो, नर्मदा ऍग्रो नांद्रा एजी आणि एक्सप्रेस फिडर हा परिसर येतो. त्यामुळे या भागातील वीजपुरवठा आज आणि उद्या संध्याकाळी 5 ते साडेसहा वाजेच्या दरम्यान बंद राहील. नागरिकांनी याची नोंद घ्यावी, असे आवाहन महावितरण उपकेंद्र लासगाव यांच्यावतीने देण्यात आली आहे.
हेही पाहा – ओळख प्रशासनाची : ग्रामपंचायत विभागाचं कामकाज कसं चालतं?, Dy. CEO भाऊसाहेब अकलाडे यांची विशेष मुलाखत
