भडगाव, 28 जून : जळगाव जिल्ह्यातील भडगाव तालुक्यातून एक दु:खद बातमी समोर आली आहे. भारतीय सैन्यदलातील जवान राहुल श्रावण माळी यांचा बुधवारी सैन्यसेवेत असताना अकस्मात मृत्यू झाला आहे. सेवारत सैनिक हवालदार राहुल श्रावण माळी हे भडगाव तालुक्यातील गुढे येथील रहिवासी होते.
जळगाव जिल्हा प्रशासनाकडून मिळालेल्या माहितीनुसार, त्यांचे पार्थिव उद्या दिनांक 29 जून 2023 रोजी अमृतसर येथून विमानाने इंदूर येथे रात्री 12.30 वाजेच्या सुमारास येईल. त्यानंतर तेथून सैन्यदलाच्या गाडीत त्यांच्या मूळ गावी परवा दिनांक 30 जून रोजी सकाळी 8 वाजेच्या सुमारास येईल. यानंतर सकाळी 9 वाजेनंतर सेवारत शहीद सैनिक राहुल श्रावण माळी यावेळी शासकीय इतमामात त्यांचा अंत्यविधी होणार आहे.
