चंद्रकांत दुसाने, विशेष प्रतिनिधी
जळगाव, 23 मे : राज्यात एककीकडे गुन्हेगारीच्या घटनांमध्ये वाढ होत असताच जळगाव जिल्ह्याला हादरवणारी घटना समोर आली आहे. जळगाव शहरात . जुन्या वादातून तीन ते चार जणांनी धारदार शस्त्राने वार करून तरुणाची हत्या केल्याची घटना काल रात्री 10.45 वाजेच्या सुमारास घडली. किशोर अशोक सोनवणे (वय 33, रा. कोळी पेठ जळगाव) असे हत्या झालेल्या तरूणाचे नाव आहे.
काय आहे संपूर्ण घटना? –
मिळालेल्या माहितीनुसार, जळगाव शहरातील कालिंका माता मंदिर परिसरात किशोर अशोक सोनवणे या तरुणाचा जुन्या वादातून निघृणपणे हत्या करण्यात आली. दरम्यान, हा प्रकार हॉटेलच्या सीसीटीव्ही कॅमेरात कैद झाला आहे. याप्रकरणी शनिपेठ पोलिसांनी एकाला ताब्यात घेत गुन्हा दाखल केला आहे. याप्रकरणातील इतर मारेकरी फरार असल्याची माहिती समोर आली आहे.
धारदार शस्त्राने हत्या –
किशोर सोनवणे हा रात्री कालिंका माता मंदिर परिसरातील हॉटेल भानु येथे जेवणासाठी गेला असता त्याच्यावर पाळत ठेवलेल्या इतर तरुणांना संशयित आरोपींनी हॉटेलात बोलावून घेतले. हॉटेलमध्ये किशोर सोनवणे याची धारदार शस्त्राने हत्या करण्यात आली. दरम्यान हा प्रकार हॉटेलच्या सीसीटीव्ही कॅमेऱ्यात कैद झाला आहे.
संशयित आरोपी ताब्यात –
याप्रकरणाची माहिती मिळताच स्थानिक गुन्हे शाखेच्या पथकाने आणि शनिपेठ पोलीस ठाण्याचे पोलीस कर्मचाऱ्यांनी घटनास्थळी धाव घेतली. दरम्यान, या प्रकरणात पोलिसांनी एका संशयित आरोपीला ताब्यात घेतले असून इतर फरार आरोपींचा शोध सुरू आहे. पोलिसांकडून पुढील तपास सुरू असल्याचे समजते.
हेही वाचा : सामनेरच्या तरुणाची गरुडझेप! UPSC परीक्षेत मिळवलं मोठं यश; वाचा, कुणालची प्रेरणादायी कहाणी
