प्रयागराज, 13 जानेवारी : प्रयागराजमध्ये आजपासून महाकुंभमेळ्याला सुरुवात होणार असून पौष पौर्णिमेच्या दिवशी म्हणजे आज सोमवारी पहाटे 05: 03 मिनिटांनी महा कुंभाच्या पहिले शाही स्नानाला सुरूवात झाली आहे. तसेच उद्या दुसऱ्या दिवशी 14 जानेवारीला म्हणजे मकर संक्रांतीला दुसरे शाही स्नान असणार आहे.
45 दिवस चालणार कुंभमेळा –
प्रयागराजमधील कुंभमेळ्यात 29 जानेवारी मौनी अमावस्या, 3 फेब्रुवारी वसंत पंचमी, 12 फेब्रुवारी माघ पौर्णिमा आणि अखेर 26 फेब्रुवारी महाशिवरात्री यादिवशी शाही स्नान केले जाणार आहे. दरम्यान, महाकुंभ मेळ्यासाठी देशविदेशांतून असंख्य साधुसंत आले असून हा कुंभमेळा 13 जानेवारीपासून सुरू होत असून 26 फेब्रुवारीपर्यंत चालणार आहे. प्रयागराजमध्ये 45 दिवस चालणाऱ्या कुंभमेळ्याची सुरुवात आज स्नान करुन झाली आहे.
प्रयागराजमध्ये गंगा, यमुना आणि सरस्वती नद्यांचा पवित्र संगम आहे. यामुळे लाखो भाविक देवाचे आशीर्वाद घेण्यासाठी आणि पवित्र त्रिवेणी संगमात स्नान करण्यासाठी या मेळ्याला उपस्थित राहतील. अशातच भाविकांची मोठी गर्दी होणार असल्याने उत्तर प्रदेश राज्य सरकारने भाविकांसाठी ई-पासची सुविधा आणली आहे.
वेगवेगळ्या श्रेणीतील हे पास एकूण 6 रंगांचे असतील. ई-पासची ही सुविधा व्हीव्हीआयपी लोक, मीडिया, पोलिस आणि अत्यावश्यक सेवांसाठी जारी करण्यात आली आहे. ई-पास बुक करण्यासाठी प्रथम सरकारने जारी केलेल्या https://epass.kumbh25.in/ वरून तुम्ही बुकींग करू शकणार आहेत. दरम्यान, हे संकेतस्थळ अजून सुरू झाले नसून लवकरच येथून बुकिंग करता येणार आहे.
हेही वाचा : ताप्तीगंगा एक्स्प्रेसवर दगडफेक, एसी कोचची काच फुटली, जळगावातील घटना, नेमकं काय घडलं?
