मुंबई – अखेर बहुप्रतिक्षित असे महायुती सरकारचे खातेवाटप आज झाले आहे. 23 डिसेंबरला विधानसभा निवडणुकीचा निकाल लागल्यानंतर महायुतीला प्रचंड बहुमत मिळाले. या ऐतिहासिक निकालानंतर 5 डिसेंबरला मुख्यमंत्री आणि उपमुख्यमंत्रीपदाचा शपथविधी पार पडला. यामध्ये देवेंद्र फडणवीस यांनी मुख्यमंत्रीपदाची तर एकनाथ शिंदे आणि अजित पवार यांनी उपमुख्यमंत्रीपदाची शपथ घेतली.
यानंतर मंत्रिमंडळ विस्ताराकडे सर्वांचे लक्ष लागले होते. अखेर 15 डिसेंबरला नागपूर हिवाळी अधिवेशनाच्या पूर्वसंध्येला मंत्रिमंडळ विस्तार झाला. मात्र, खातेवाटप झाले नव्हते. अधिवेशनादरम्यान, हे खातेवाटप होईल, असे सांगितले जात होते. मात्र, 16 ते 21 डिसेंबर पर्यंत अधिवेशन चालले. या अधिवेशनातही खातेवाटप झाले नाही. त्यामुळे या खातेवाटपाकडे सर्वांचे लक्ष लागले होते. उपमुख्यमंत्री एकनाथ शिंदे यांना गृहमंत्रीपद मिळणार की भाजप ते खाते आपल्याकडे ठेवणार, याबाबतही सर्वांना उत्सुकता होती. अखेर आता अधिवेशनानंतर महायुती सरकारचे खातेवाटप झाले आहे.
मुख्यमंत्री देवेंद्र फडणवीस यांना गृह, ऊर्जा (नवीकरणीय ऊर्जा वगळून), विधी व न्याय, सामान्य प्रशासन विभाग, माहिती व जनसंपर्क ही खाती मिळाली आहेत. उपमुख्यमंत्री अजित पवार यांना अर्थ व नियोजन, राज्य उत्पादन शुल्क ही खाते मिळाली आहेत. तर उपमुख्यमंत्री एकनाथ शिंदे यांना नगरविकास, गृहनिर्माण आणि सार्वजनिक बांधकाम (सार्वजनिक उपक्रम) ही खाती मिळाली आहेत.
महायुती सरकारमधील खातेवाटपाची संपूर्ण यादी पुढीलप्रमाणे –
कॅबिनेट मंत्री
1.चंद्रशेखर बावनकुळे – महसूल
2.राधाकृष्ण विखे पाटील – जलसंपदा (गोदावरी व कृष्णा खोरे विकास)
3.हसन मुश्रीफ – वैद्यकीय शिक्षण
4.चंद्रकांत पाटील – उच्च व तंत्रशिक्षण, संसदीय कामकाजमंत्री
5.गिरीश महाजन – जलसंपदा (विदर्भ, तापी, कोकण विकास), आपत्ती व्यवस्थापन
6.गुलाबराव पाटील – पाणीपुरवठा व स्वच्छता
7.गणेश नाईक – वन
8.दादाजी भुसे – शालेय शिक्षण
9.संजय राठोड – माती व पाणी परीक्षण
10.धनंजय मुंडे – अन्न व नागरी पुरवठा आणि ग्राहक संरक्षण
11.मंगलप्रभात लोढा – कौशल्य विकास, रोजगार, उद्योग व संशोधन
12.उदय सामंत – उद्योग व मराठी भाषा
13.जयकुमार रावल – विपणन, प्रोटोकॉल
14.पंकजा मुंडे – पर्यावरण व वातावरण बदल, पशुसंवर्धन
15.अतुल सावे – ओबीसी विकास, दुग्धविकास मंत्रालय, अक्षय ऊर्जा
16.अशोक उईके – आदिवासी विकास मंत्रालय
17.शंभूराज देसाई – पर्यटन, खाण व स्वातंत्र्य सैनिक कल्याण मंत्रालय
18.आशिष शेलार – माहिती व तंत्रज्ञान
19.दत्तात्रय भरणे – क्रीडा व अल्पसंख्याक विकास व औकाफ मंत्रालय
20.अदिती तटकरे – महिला व बालविकास
21.शिवेंद्रराजे भोसले – सार्वजनिक बांधकाम
22.माणिकराव कोकाटे – कृषी
23.जयकुमार गोरे – ग्रामविकास, पंचायत राज
24.नरहरी झिरवाळ – अन्न व औषध प्रशासन
25.संजय सावकारे – कापड
26.संजय शिरसाट – सामाजिक न्याय
27.प्रताप सरनाईक – वाहतूक
28.भरत गोगावले – रोजगार हमी,फलोत्पादन
29.मकरंद पाटील – मदत व पुनर्वसन
30.नितेश राणे – मत्स्य आणि बंदरे
31.आकाश फुंडकर – कामगार
32.बाबासाहेब पाटील – सहकार
33.प्रकाश आबिटकर – सार्वजनिक आरोग्य आणि कुटुंब कल्याण
राज्यमंत्री –
34. माधुरी मिसाळ – नगरविकास, परिवहन, सामाजिक न्याय, वैद्यकीय शिक्षण, अल्पसंख्याक विकास व वक्फ
35. आशिष जयस्वाल – अर्थ व नियोजन, कृषी, मदत व पुनर्वसन, विधी व न्याय, कामगार
36. मेघना बोर्डीकर – सार्वजनिक आरोग्य व कुटुंब कल्याण, पाणीपुरवठा व स्वच्छता, ऊर्जा, महिला व बालविकास, सार्वजनिक बांधकाम (सार्वजनिक उपक्रम)
37. इंद्रनील नाईक – उद्योग, सार्वजनिक बांधकाम, उच्च आणि तंत्रशिक्षण, आदिवासी विकास आणि पर्यटन, मृद व जलसंधारण
38. योगेश कदम – गृह (शहर), महसूल, ग्रामविकास आणि पंचायतराज, अन्न नागरी पुरवठा व ग्राहक संरक्षण, अन्न व औषध प्रशासन
39. पंकज भोयर – गृह (ग्रामीण), गृहनिर्माण, शालेय शिक्षण, सहकार, खनिकर्म
