जळगाव, 23 जुलै : महाराष्ट्र शासनाच्या सामाजिक न्याय व विशेष सहाय्य सहाय्य विभागाकडून अनुसूचित जाती व नवबौध्द घटकांना 15% अनुदानावर मार्जिन मनी उपलब्ध करुन देण्याकरिता केंद्र शासनाच्या स्टैंड अप इंडिया योजनेअंतर्गत अनुसूचित जाती व नवबौध्द घटकांकरिता मार्जिन मनी योजना राबविण्यात येत आहे.
सदर योजनेतंर्गत महाराष्ट्र राज्यातील अनुसूचित जाती व नवबौध्द घटकांतील सवलती घेण्यास पात्र असलेल्या नवउद्योजक लाभार्थ्यांची मार्जिन मनी भरण्याची क्षमता नसल्यामुळे लाभार्थ्यांना एकूण प्रकल्प किंमतीच्या लाभार्थी यांच्या हिश्यामधील 25% मधील जास्तीत जास्त 15% मार्जीन मनी उपलब्ध करुन मान्यता देण्यात येते. सदरील पात्र अनुसूचित जाती व नवबौध्द घटकांतील नवउद्योजक यांनी 10% स्वहिस्सा भरणा केल्यानंतर व बँकेने अर्जदारास स्टैंड अप इंडिया योजनेतंर्गत 75% कर्ज मंजूर केल्यानंतर उर्वरीत 15% मार्जीन मनी शासनामार्फत देण्यात येते.
स्टॅन्ड अप इंडीया योजनेअंतर्गत मंजुरी मिळालेल्या अनुसचित जाती व नवबौध्द घटकाच्या लाभार्थ्यांनी 15% मार्जिन मनी साठी अर्ज करावे व अधिक माहतीसाठी समाज आयुक्त, समाज कल्याण कार्यालयात संपर्क करावे, असे आवाहन सहायक आयुक्त, समाज कल्याण, जळगाव यांनी केले आहे.
हेही वाचा : Modi 3.0 : एनडीए सरकारचा आज पहिला अर्थसंकल्प सादर होणार, मोठ्या घोषणा होण्याची शक्यता
