मुक्ताईनगर : मुक्ताईनगर येथे मुक्ताईच्या यात्रेत केंद्रीय मंत्री रक्षा खडसे यांची मुलगी आणि तिच्या मैत्रिणींच्या झालेल्या छेडछाडप्रकरणी आतापर्यंत 6 जणांवर गुन्हा दाखल करण्यात आला आहे, अशी माहिती पोलिसांनी दिली. तसेच या प्रकरणातील आरोपींची नावेही पोलिसांनी सांगितली. यानंतर आता याप्रकरणात आणखी एक मोठी अपडेट समोर आली आहे.
मुक्ताईनगरमधील घटना समोर आल्यानंतर संपूर्ण राज्यात खळबळ उडाली होती. केंद्रीय मंत्री, खासदार यांचीच मुलगी सुरक्षित नसेल तर सर्वसामान्य महिला, मुलींचं काय, असा प्रश्न उपस्थित केला जात आहे. दरम्यात, आता या प्रकरणी एक मोठी अपडेट समोर आली आहे. मुक्ताईनगर छेडछाडप्रकरणी पोलिसांनी आता तिघांना अटक केली आहे. तसेच यामध्ये मुख्य आरोपी अनिकेत भोई याचाही समावेश आहे. तसेच एक अल्पवयीन मुलालाही पोलिसांनी चौकशीसाठी ताब्यात घेतले आहे.
जळगाव जिल्ह्यातील मुक्ताईनगर तालुक्यातील कोथळी गावातील संत मुक्ताईच्या यात्रेत टवाळखोर मुलांनी केंद्रीय मंत्री रक्षा खडसे यांच्या मुलीसह इतर काही मुलींची छेडछाड केल्याचा धक्कादायक प्रकार घडला. या मुलींच्या मनाविरुद्ध काही टवाळखोर मुलांनी फोटोही काढले. या धक्कादायक प्रकारानंतर टवाळखोर मुलांना तातडीने अटक व्हावी, अशी मागणी केंद्रीय मंत्री रक्षा खडसे यांनी पोलिसांकडे केली होती. यानंतर याप्रकरणी मुक्ताईनगर पोलीस ठाण्यात 6 तरुणांविरोधात गुन्हा दाखल करण्यात आला.
मुख्यमंत्र्यांनी दिला होता कडक कारवाईचा इशारा –
याबाबत काल मुख्यमंत्री देवेंद्र फडणवीस म्हणाले होते की, अशाप्रकारे छेडखानी करणं, सार्वजनिक ठिकाणी अशाप्रकारे त्यांना त्रास देणं, हे अतिशय चुकीचं आहे आणि कुठल्याही परिस्थितीत अशा लोकांना, त्याठिकाणी माफी देता कामा नये. त्यांच्यावर अतिशय कडक कारवाई होईल. दरम्यान, आता मुक्ताईनगर छेडछाडप्रकरणी पोलिसांनी आता तिघांना अटक केली आहे. तसेच यामध्ये मुख्य आरोपी अनिकेत भोई याचाही समावेश आहे. तसेच एक अल्पवयीन मुलालाही पोलिसांनी चौकशीसाठी ताब्यात घेतले आहे.
हेही वाचा – संतापजनक! केंद्रीय मंत्री रक्षा खडसेंच्या मुलीची छेडछाड, नेमकं काय घडलं, संपूर्ण घटनाक्रम..
