चोपडा, 24 जानेवारी : राज्याची अंतिम मतदार यादी जाहीर करण्यात आली आहे. दरम्यान, चोपडा तालुक्यात भारतीय जनता पार्टी शहर व ग्रामीण मंडल तसेच भारतीय जनता पार्टी शहर व ग्रामीण मंडल युवा मोर्चा आयोजित नवमतदारांचा स्नेहसंमेलन मेळावा आयोजित करण्यात आला आहे.
नवमतदार संमेलनाचे आयोजन –
नवमतदारांच्या स्नेहसंमेलन मेळाव्यास पंतप्रधान नरेंद्र मोदी संपुर्ण देशभरात विडिओ कॉन्फरन्सद्वारे संबोधन करणार आहेत. सदर कार्यक्रमाला वैशाली कुलकर्णी यांची उपस्थिती राहणार आहे. चोपडा येथे नवमतदार संमेलनाचे आयोजन चोपडा शहरातील स्व. शरदचंद्रिका आक्का पाटील नाट्यगृहात, दिनांक 25 जानेवारी सकाळी 10 वाजता ठिकाण नगरपरिषद चोपडा येथे आयोजित करण्यात आले आहे.
नवमतदाराला 7820078200 व https://dotook.in या लिंकवर स्वतःची माहीत भरायची आहे. म्हणून प्रथमच नव्याने मतदार नोंदणी झालेल्या मतदारांनी या कार्यक्रमाला उपस्थिती द्यावी, असे आवाहन चोपडा पंचायत समितीचे माजी सभापती आत्माराम म्हाळके तसेच गोविंद सैंदाणे (चोपडा, विधानसभा निवडणूक प्रमुख) तालुकाध्यक्ष चंद्रशेखर पाटील, शहराध्यक्ष नरेंद्र पाटील, भाजयुमो तालुकाध्यक्ष रावसाहेब पाटील, भाजयुमो विधानसभा क्षेत्र प्रमुख धनंजय भादले तसेच या अभियानाचे तालुका संयोजक दिपक भोसले, शहर संयोजक विशाल भोई यांनी केले आहे.
तरी सदर मेळाव्यास बुथ प्रमुख व शक्तीकेंद्र प्रमुख, गट प्रमुख गण प्रमुख, व सुपर वॉरियर्स व पदाधिकारी यांनी नवमतदारांना मेळाव्यास उपस्थित राहणे संदर्भात प्रयत्न करावयाचे आहे, असे आवाहन भारतीय जनता पार्टी चोपडा शहर व ग्रामीण मंडलकडून करण्यात आले.
हेही वाचा : उद्धव ठाकरे यांचा भाजपवर निशाणा; म्हणाले, आमचा ‘भाजपमुक्त’ श्रीरामचा नारा! तर मुख्यमंत्र्यांचाही यावर पलटवार
