मुंबई : समाजवादी पार्टीचे आमदार अबू आझमी यांनी अर्थसंकल्पीय अधिवेशनादरम्यान ‘औरंगजेब हा क्रूर प्रशासक नव्हता’, असे वक्तव्य केले होते. यावरून सत्ताधाऱ्यांनी आक्रमक होत अबू आझमी यांच्यावर निलंबनाच्या कारवाईची मागणी केली होती. यानंतर अबू आझमी यांच्यावर निलंबनाची कारवाई करण्यात आली. दरम्यान, आज यानंतर आज अबू आझमींनी छत्रपती संभाजी महाराजांना बलिदान दिनी श्रद्धांजली वाहिली आहे.
आज छत्रपती संभाजी महाराजांचा बलिदान दिन आहे. या निमित्ताने सोशल मीडिया प्लॅटफॉर्म एक्सवर अबू आझमी यांनी लिहिले की, ‘स्वराज्याचे दुसरे छत्रपती, पराक्रमी योद्धा, धर्मवीर छत्रपती संभाजी महाराजांच्या शहादत दिनी त्यांना विनम्र श्रद्धांजली.’
गेल्या आठवड्यात समाजवादी पक्षाचे आमदार अबू आझमी यांनी औरंगजेबचा बचाव करणारे वक्तव्य केले होते. मी 17व्या शतकातील मुघल सम्राट औरंगजेबला क्रूर, अत्याचारी किंवा असहिष्णु शासक मानत नाही. आजकाल चित्रपटांच्या माध्यमातून मुघल सम्राटाची विकृत प्रतिमा निर्माण केली जात आहे. औरंगजेब उत्तम प्रशासक असल्याचे आमदार अबू आझमी म्हणाले होते. दरम्यान, आमदार अबू आझमी यांच्या या वक्तव्यानंतर त्यांच्यावर सर्वत्र टीका करण्यात आली. उपमुख्यमंत्री एकनाथ शिंदे, मंत्री गुलाबराव पाटील यांनीही सभागृहात अबू आझमींच्या या वक्तव्याचा समाचार घेत त्यांच्यावर देशद्रोहाचा गुन्हा दाखल करण्याची मागणी केली.
यानंतर अबू आझमी यांच्यावर निलंबनाची कारवाई करण्यात आली आणि अर्थसंकल्पीय अधिवेशन संपेपर्यंत अबू आझमी निलंबित आमदार असणार आहेत. दरम्यान, आज यानंतर आज अबू आझमींनी छत्रपती संभाजी महाराजांना बलिदान दिनी श्रद्धांजली वाहिली आहे.
