मिलिंद वाणी, प्रतिनिधी
चोपडा, 24 डिसेंबर : चोपडा तालुक्यातील वडती येथील अमर संस्था संचलित पूज्य साने गुरुजी माध्यमिक विद्यालयात 16 डिसेंबर 2024 ते 24 डिसेंबर 2024 दरम्यान पूज्य साने गुरुजी जयंती सप्ताह साजरा करण्यात आला. या दरम्यान सर्व शिक्षकांच्या वतीने ‘श्यामची आई’ या पुस्तकातील कथांचे क्रमशः वाचन करण्यात आले.
साने गुरुजी जयंती सप्ताह साजरा –
साने गुरूजी यांच्या जयंतीनिमित्त आयोजित केलेल्या सप्ताहादरम्यान दोन दिवसीय व्यक्तिमत्व शिबिराचाही आनंद विद्यार्थ्यांनी घेतला. शिबिरादरम्यान स्वयंपाक कला स्पर्धा, शिस्त व स्वच्छता स्पर्धा, स्वपरिचय स्पर्धा, काव्यवाचन स्पर्धा, समूहगीत गायन स्पर्धा इत्यादी स्पर्धा घेण्यात आल्या. सप्ताहाच्या समारोपाला विद्यार्थ्यांची पूज्य साने गुरुजींच्या जीवन कार्यावर भाषणे झाली.
कार्यक्रमाचे अध्यक्ष म्हणून प्रसिद्ध साहित्यिक विलास पी. पाटील(मा.मुख्याध्यापक) हे उपस्थित होते. त्यांनी समारोपाच्या कार्यक्रमात आपला गाजलेला विनोदी कार्यक्रम हास्यमेळ सादर केला व विद्यार्थ्यांची मने जिंकली. कार्यक्रमाचे सूत्रसंचालन चेतन पाटील यांनी तर आभार जगदीश पाठक यांनी मानले. कार्यक्रमाच्या यशस्वीतेसाठी मुख्याध्यापक संजय जोशी यांचे सह सर्व शिक्षकवृंद व शिक्षकेतर कर्मचारी यांनी परिश्रम घेतले.
हेही पाहा : Mla Chandrakant Sonawane : नागपूर हिवाळी अधिवेशनातून चोपड्याचे आमदार चंद्रकांत सोनवणेंशी विशेष संवाद
