इसा तडवी, प्रतिनिधी
पाचोरा, 9 सप्टेंबर : शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांच्या जळगाव येथील सभेच्या पूर्वतयारीसाठीची बैठक पाचोऱ्यातील शिवतीर्थ शिवसेना मध्यवर्ती कार्यालय येथे पक्षाचे जळगाव जिल्हा सहसंपर्क प्रमुख गुलाबराव वाघ, शिवसेना जिल्हाप्रमुख डॉ. हर्षल माने, शिवसेना नेत्या वैशाली सुर्यवंशी यांच्या उपस्थितीत पार पडली.
यावेळी बैठकीला मार्गदर्शन करताना गुलाबराव वाघ यांनी सांगितले की, पाचोरा हा शिवसेनेचा बालेकिल्ला असून साहेबांची पाचोरा येथील सभा जशी यशस्वी झाली, त्याचप्रमाणे जळगाव येथील साहेबांची सभा यशस्वी करण्यासाठी मोठ्या संख्येने उपस्थित रहावे. तसेच शिवसेना उपनेत्या वैशाली सुर्यवंशी म्हणाल्या की, आपण सर्वांनी शिवसेना, युवा सेना, महिला पदाधिकारी व अंगीकृत संघटनेचा सर्व पदाधिकाऱ्यांनी गावोगावी मोठ्या संख्येने कार्यकर्ता बांधवांनी आणण्यासाठी प्रयत्न करावेत. यासाठी मी सर्वांपरी मदत करण्यास खंबीरपणे पाठीशी उभी राहणार असल्याचे त्यांनी सांगितले.
तसेच डॉ. हर्षल माने, सुनील पाटील, उद्धव मराठे, अरुण पाटील, रमेशचंद्र बाफना, शशी पाटील आदी मान्यवरांनी मनोगत व्यक्त केले व सभेसाठी उपस्थित राहण्याचे आवाहन केले. सभेला जाण्यासाठी येण्या-जाण्या विषयीचे नियोजन सांगितले. पाचोरा विधानसभा संपर्कप्रमुख सुनील पाटील, जळगाव युवासेना जिल्हाधिकारी निलेश चौधरी उपस्थित होते.
यावेळी तिलोत्तमा मौर्य, जयश्री येवले, अनिल सावंत, दादाभाऊ चौधरी, राजेंद्र राणा, भाऊसाहेब पाटील, अण्णा परदेशी, संजय चौधरी, कृष्णा पाटील, महेंद्र पाटील, मनोज चौधरी, निखिल सोनवणे, कैलास पाटील, सुनील पाटील, निलेश पाटील, साईराम राठोड, नाना पाटील, आबा देसले, सचिन पाटील, मुकेश पाटील, प्रवीण पाटील, चंद्रकांत पाटील, ओम पाटील, रोहन पाटील, बंडू मोरे, निखिल सोनवणे, दत्तू कुमावत, निलेश गवळी, अजय पाटील, अभिषेक खंडेलवाल, निलेश पारोचे, कैलास चौधरी, नाना वाघ, राजेन्द्र गायकवाड, संतोष पाटील, एडवोकेट किशोर पाटील, धर्मसिंग पाटील, गोकुल गांगुर्डे, डीडी नाना, शुभम पाटील, आदी पदाधिकारी उपस्थित होते.
