जळगाव 7 ऑगस्ट : चोपडा-अमळनेर रोडवर सापळा रचून वाहन क्रमांक एमएच -30 बीडी- 1103 हे वाहन देशी विदेशी बनावट दारूसाठा वाहतूक करतांना मिळून आले. सदर वाहनात बनावट देशी दारू टँगोपंच 180 मी. ली. क्षमतेच्या एकूण 2544 बाटल्या (53 बॉक्स), विदेशी दारू मॅंकडोवेल नं. 1 विस्कीच्या 180 मी.ली. क्षमतेच्या एकूण 240 बाटल्या (5 बॉक्स) व विदेशी दारू इम्पेरिअल ब्लू विस्कीच्या 180 मी.ली. क्षमतेच्या एकूण-240 बाटल्या (५ बॉक्स) अशा प्रकारचा बनावट मद्यसाठा मिळून आला आहे. असा अवैध बनावट मद्यसाठा व वाहन असा एकूण किमंत रुपये- 5,79,480/- चा मुद्देमाल जप्त केला आहे.
राज्य उत्पादन शुल्क, विभागाचे आयुक्त डॉ. विजय सूर्यवंशी, जिल्हाधिकारी आयुष प्रसाद जळगाव, संचालक पी.पी.सुर्वे (अं व द.), उषा वर्मा, विभागीय उप आयुक्त, राज्य उत्पादन शुल्क, नाशिक विभाग, श्री.डॉ.व्ही.टी. भूकन अधिक्षक, राज्य उत्पादन शुल्क, जळगाव यांच्या मार्गदर्शनाखाली दिनांक 6 ऑगस्ट,2024 रोजी के. एन. गायकवाड निरीक्षक राज्य उत्पादन शुल्क, चाळीसगाव विभाग यांना मिळालेल्या गुप्त बातमीच्या अनुषंगाने सावखेडा शिवार ता. अमळनेर जि.जळगाव येथे कारवाई केली.
या वाहनासोबत मिळून आलेले इसम शुर्भम सुधाकर पाटील रा. अरूननगर चोपडा ता. चोपडा जि.जळगाव व कैलास देविदास वाघ रा. श्रीरामनगर-२ चोपडा ता. चोपडा जि. जळगाव, यांचे विरुद्ध महाराष्ट्र दारूबंदी अधिनियम अन्वये गुन्हा नोंद केलेला आहे. दरम्यान, सदर कारवाई बी. डी. बागले सहा.दु.नि, व बी. एन. पाटील जवान.ब. न. 01, एम. डी. पाटील जवान नि-वाहन चालक ब.न.02 यांनी सदरच्या कारवाईत सहकार्य केले.
सदर गुन्ह्याचा पुढील तपास निरीक्षक राज्य उत्पादन शुल्क, चाळीसगाव विभाग के. एन. गायकवाड, हे व अधिक्षक, राज्य उत्पादन शुल्क, जळगाव डॉ.व्ही.टी. भूकन यांच्या मार्गदर्शनाखाली करत आहेत. राज्य उत्पादन चाळीसगांव वि, जि. जळगांव असे निरीक्षक राज्य उत्पादन शुल्क, चाळीसगाव विभाग के. एन. गायकवाड यांनी प्रसिध्दीस दिलेल्या पत्रकान्वये केले आहे.
हेही वाचा : शिक्षकांना जुनी पेन्शनसंदर्भात समिती स्थापन, मुख्यमंत्री एकनाथ शिंदेंची घोषणा, काय आहे संपुर्ण बातमी?
