पाचोरा (प्रतिनिधी), 25 मे : महाराष्ट्र राज्य माध्यमिक व उच्च माध्यमिक शिक्षण मंडळाकडून मार्च 2023 मध्ये घेण्यात आलेल्या इयत्ता बारावीच्या परीक्षेचा निकाल आज जाहीर झाला. यामध्ये पाचोरा येथील निर्मल फाऊंडेशन संचलित तात्यासाहेब आर. ओ. पाटील विज्ञान, वाणिज्य आणि कला कनिष्ठ महाविद्यालयाचे 19 विद्यार्थी प्रविष्ठ होते.
यापैकी सर्वच विद्यार्थ्यांनी घवघवीत यश संपादन करून दैदीप्यमान यश संपादन केले आहे. यामध्ये क्रिष्णा ईश्वर देशमुख याने 87.67% गुण मिळवून महाविद्यालयात प्रथम क्रमांक पटकावला. तर यासोबतच खुशी प्रकाश राठोड हिने 83.83% गुण मिळवून द्वितीय आणि अथर्व प्रशांत पाटील याने 83.50% तृतीय क्रमांक पटकावला आहे.
विद्यार्थ्यांच्या या यशाबद्दल संस्थेच्या अध्यक्षा वैशाली सुर्यवंशी, सचिव नरेंद्रसिंग सुर्यवंशी, शालेय शिक्षण संचालक डॉ. भगवान सावंत, प्राचार्य प्रदीप सोनवणे यांनी सर्व यशस्वी विद्यार्थ्यांचे आणि त्यांना मार्गदर्शन करणाऱ्या सर्व शिक्षकांचे मनःपूर्वक अभिनंदन केले आहे.
