नगाव (धुळे), 16 फेब्रुवारी : धुळे तालुक्यातील नगांव गावात भव्य त्रिशूल रॅलीचे आयोजन करण्यात आले होते. महाशिवरात्री निमित्ताने हे आयोजन करण्यात आले होते. नगांव जिल्हा परिषद गटाचे सदस्य राम भदाणे यांच्या संकल्पनेतून आणि धुळे जिल्हा परिषदेचे माजी अध्यक्ष बाळासाहेब मनोहर भदाणे आणि नगांव गावाच्या लोकनियुक्त सरपंच माईसाहेब ज्ञानज्योती भदाणे यांच्या मार्गदर्शनाखाली हे आयोजन करण्यात आले.
महाशिवरात्री निमित्त काढण्यात आलेल्या या रॅलीमध्ये नगांव ग्रामपंचायतचे सदस्य, गावातील सर्व लोकांनी उत्स्फूर्त प्रतिसाद दिला. तसेच रॅलीचे विशेष आकर्षण म्हणजे यावेळी प्राथमिक आणि माध्यमिक शाळेतील विद्यार्थ्यांनी लेझीम नृत्य सादर केले. तसेच डोक्यावर काही विद्यार्थिनी कलश घेऊन सहभागी झाल्या होत्या. यानंतर महादेव मंदिर येथे विधिवत पूजा करण्यात आली.
आज सकाळी आठ वाजेच्या दरम्यान महाशिवरात्री निमित्ताने ही भव्य त्रिशूल रॅली संपन्न झाली. यानंतर त्रिशूलची पुजा करून महादेव मंदिरासमोर त्रिशुल स्थापना करण्यात आले. त्रिशूलची स्थापना केल्यावर या रॅलीची सांगता करण्यात आली.
