नवी दिल्ली, 19 जुलै : वादग्रस्त महिला आयएस अधिकारी डॉ. पूजा खेडकर प्रकरणात मोठी अपडेट समोर आली आहे. पूजा खेडकर यांची विविध पातळ्यांवर चौकशी सुरु असताना आता थेट केंद्रीय लोकसेवा आयोगाने (UPSC) कारवाई सुरु केली. यूपीएससीकडून पूजा खेडकरवर गुन्हा दाखल करण्यात आला आहे. तसेच त्यांना तुमची आयएएसची निवड का रद्द करु नये?, अशी नोटीस पाठवली आहे. दरम्यान, वादग्रस्त प्रशिक्षणार्थी आयएएस पूजा खेडकर चांगलीच अडचणीत आली आहे.
यूपीएससीकडून पूजा खेडकर यांच्यावर गुन्हा दाखल –
डॉ. पूजा खेडकर प्रकरण माध्यमांसमोर आल्यानंतर दररोज धक्कादायक खुलासे समोर येत होते. याप्रकरणी राज्य शासनाने चौकशी सुरु केली आहे. पंतप्रधान कार्यालयाने देखील या प्रकरणी अहवाल देण्याचे आदेश दिले आहेत. मसुरी येथील लाल बहादुर शास्त्री राष्ट्रीय प्रशासन अकादमीकडून त्यांना तातडीने परत बोलवले आहे. दरम्यान, आता युपीएससीकडून पूजा खेडकर यांच्यावर गुन्हा दाखल करण्यात आला आहे.
पूजा खेडकर यांचे कारनामे उघड –
युपीएससीने नागरी सेवा परीक्षा-2022 च्या तात्पुरत्या शिफारस केलेल्या उमेदवार पूजा मनोरमा दिलीप खेडकर यांच्या गैरवर्तनाचा तपशीलवार आणि सखोल तपास केला आहे. या तपासणीतून पूजा खेडकर यांचे कारनामे उघड झाले असून त्यांनी यूपीएससी परीक्षा नियमांनुसार दिली नाही. परवानगी असलेल्या मर्यादेच्या पलीकडे जाऊन तिचे नाव, तिच्या वडिलांचे आणि आईचे नाव, तिचे फोटो/स्वाक्षरी, तिचा ईमेल आयडी, मोबाईल नंबर आणि पत्ता बदलून तिची ओळख खोटी करून फसवणूक करण्यात आल्याचे समोर आले आहे. या पार्श्वभूमीवर पूजा खेडकरांविरोधात यूपीएससीने पोलिसांकडे एफआयआर दाखल केला आहे
पूजा खेडकर अडचणीत –
एकीकडे पूजा खेडकर यांच्याविरोधात युपीएससीकडून गुन्हा दाखल करण्यात आला आहे. तर दुसरीकडे पूजा खेडकर यांच्या आईला अटक झाली आहे. पूजा यांचे वडील दिलीप खेडकर यांची लाचलूचपत प्रतिबंधक विभागाकडून चौकशी सुरु आहे. यामुळे पूजा खेडकर यांच्यापुढे अडचणींचा डोंगर उभा राहिला असल्याचे दिसून येत आहे.
Arun Bhatia Interview : ‘देशात भ्रष्टाचार एक धंदा’, Ex IAS अधिकारी अरुण भाटीया यांची स्फोटक मुलाखत
