छत्रपती संभाजीनगर, 30 जानेवारी : जिल्ह्यातून धक्कादायक घटना समोर आली आहे. आयफोन मिळत नसल्याच्या रागातून 20 वर्षीय विद्यार्थी अनिकेत प्रल्हाद म्हस्के (20) याने गळफास घेऊन आत्महत्या केली आहे. उस्मानापुऱ्यात सोमवारी ही धक्कादायक घटना घडली.
तरूणाने घेतला गळफास –
मित्र व नातेवाईकांनी पोलिसांना दिलेल्या माहितीनुसार, मागील बऱ्याच दिवसापासून अनिकेत हा आयफोन साठी घरच्यांकडे हट्ट करत होता. मात्र, परिस्थिती हालाखीची असल्यामुळे घरच्यांनी त्याला समजावून सांगितले. मात्र हा राग मनात धरून घरातील सर्वजण बाहेर गेल्यानंतर त्याने राहत्या घरात गळफास घेतला. नुकताच बारावी उत्तीर्ण उत्तीर्ण झालेला अनिकेत पदवीच्या प्रथम वर्षाला शिकत होता. वडील साखर कारखान्याच्या ट्रकवर चालक असून आई खासगी रूग्णालयात नर्स आहे.
आयफोन न मिळाल्याच्या तणाव –
दरम्यान, आयफोन न मिळाल्याच्या तणावातून त्याने गळफास घेतल्याचा प्राथमिक अंदाज व्यक्त करण्यात येत आहे. या प्रकाराची उस्मानपुरा पोलीस ठाण्यात अकस्मात मृत्यूची नोंद करण्यात आली आहे. दरम्यान, त्याचा बंद मोबाइल ताब्यात घेण्यात आला असून आत्महत्येचा नेमक्या कारणाचा तपास सुरू असल्याची माहिती, अंमलदार विजय वाघ यांनी दिली आहे.
हेही वाचा : Nashik Crime : प्रेयसी दुसऱ्याशी चॅटिंग करत असल्याचा आला संशय; संतप्त प्रियकराने केले धक्कादायक कृत्य
