सातारा, 30 नोव्हेंबर : एकनाथ शिंदे यांना व्हायरल इन्पेक्शन झाले असून यामध्ये त्यांना सर्दी तसेच थ्रोट इन्फेक्शन झाले आहे. तसेच त्यांना ताप आहे. त्यांच्यावर उपचार सुरू असून त्यांना सलाईन लावण्यात आली आहे आणि एक-दोन दिवसांत त्यांना बरं वाटेल, अशी माहिती डॉ. आर.एम. पार्टे यांनी दिली आहे. आज सायंकाळी ते पत्रकारांसोबत बोलत होते.
डॉ. आर.एम. पार्टे हे एकनाथ शिंदे यांच्यावर उपचार करत आहेत. याबाबत डॉ. पार्टे यांनी सांगितले की, एकनाथ शिंदे यांची कालपासून तब्येत बरी नव्हती. याठिकाणी आल्यावर त्यांच्यावर उपचार सुरू आहेत. आता त्यांची तब्येत बरी आहे. आमच्यासोबत ते बोलत होते. दरम्यान, एकनाथ शिंदे हे उद्या मुंबईला जाणार असल्याचीही माहिती डॉ. आर.एम. पार्टे यांनी दिली आहे.
व्हिडिओ पाहण्यासाठी खालील लिंकवर क्लिक करा.
https://youtube.com/shorts/QoqaiztvHSs?si=oVhK3utmnnib653Chttps://www.youtube.com/@suvarnakhandeshlivenews/videos
एकनाथ शिंदे कालपासून दरेगावात –
राज्याचे काळजीवाहू मुख्यमंत्री एकनाथ शिंद हे काल शुक्रवारपासूनच त्यांच्या साताऱ्यातील दरे या आपल्या गावी आहेत. नवी दिल्लीतील अमित शहा यांच्यासोबतची बैठक आटोपल्यानंतर ते मुंबईत दाखल झाले होते. यानंतर काल थेट ते दरेगावात पोहचले. दरम्यान, एकनाथ शिंदे यांचा काल आणि आज असा दोन दिवसांचा मुक्काम राहिलाय. दरम्यान, ते उद्या मुंबईकडे रवाना होणार असल्याचीही माहिती समोर आली आहे. यामुळे एकनाथ शिंदे हे दरगावातूनच मोठा निर्णय घेतात की मुंबईत पोहचून त्यांची काही नवी भूमिका जाहीर करतात याकडे सर्वांचे लक्ष लागले आहे.
हेही वाचा : “राक्षसी बहुमतानंतरही राजभवनात जाण्याऐवजी शेतात…”; उद्धव ठाकरे यांची एकनाथ शिंदे यांच्यावर टीका
