पुणे : सध्या सोशल मीडियाचा जमाना आहे. मात्र, याच सोशल मीडियाच्या जमान्यात अनेकांसोबत धक्कादायक प्रकार घडल्याचे दिसून येत आहे. सोशल मीडियाच्या माध्यमातून अनेकांची फसवणूक केल्याच्या घटना समोर येत आहेत. यातच आता आणखी एक धक्कादायक घटना समोर आली आहे. इन्स्टाग्रामवरील मित्राने प्रेमाच्या जाळ्यात ओढत एका तरुणीवर लैंगिक अत्याचार केल्याचा प्रकार समोर आला आहे.
काय आहे संपूर्ण प्रकरण –
आरोपी प्रियकर आणि पीडित तरुणीची ओळख ही सोशल मीडियावरील इन्स्टाग्रामवर झाली. त्यावेळी पीडित तरुणी 17 वर्षे 6 महिन्यांची होती. यानंतर त्यांच्यात मैत्री झाली. त्यानंतर दोघे भेटत राहिले. या मैत्रीचे रुपांतर प्रेमात झाले. यानंतर आरोपी प्रियकराने प्रेम असल्याचे सांगून तरुणीच्या इच्छेविरुद्ध तिच्यासोबत शारीरिक संबंध ठेवले. तसेच याचे फोटो, व्हिडिओ काढले. यानंतर नंतर हेच फोटो व्हिडिओ व्हायरल करण्याची धमकी देत या तरुणीला मित्रासोबत संबंध ठेवण्यास भाग पाडले.
दरम्यान, त्यानंतरही दोघे वारंवार पीडितेला ब्लॅकमेल करत होते. ही घटना पर्वती पोलीस स्टेशनच्या हद्दीत घडली. याप्रकरणी 18 वर्षीय पीडित तरुणीने पर्वती पोलीस ठाण्यात तक्रार दिली. त्यानुसार पोलिसांनी दोन तरुणांविरोधात भारतीय न्याय संहिता 64(1), 70(1) सह पॉक्सो 4,8,6,12 नुसार गुन्हा दाखल केला आहे. या प्रकरणी अधिक तपास पोलीस निरीक्षक (गुन्हे) अमोल मोरे करीत आहेत.
हेही वाचा – धक्कादायक! अज्ञात वाहनाच्या धडकेत काका-पुतण्या ठार, पाचोऱ्यातील नेमकी घटना काय?
