पाचोरा, 24 फेब्रुवारी : पाचोरा-भडगाव विधानसभा मतदारसंघाचे आमदार किशोर आप्पा पाटील यांच्या मातोश्री नर्मदाबाई धनसिंग पाटील यांचे आज पहाटे पाच वाजेच्या सुमारास वृद्धापकाळाने दुःखद निधन झाले. दरम्यान, पाचोरा शहरातील स्मशानभूमीत आज दुपारी साडेचार वाजेच्या सुमारास त्यांच्यावर अंत्यसंस्कार करण्यात आले.
पाचोऱ्यात पार पडला अंत्यसंस्कार –
आमदार किशोर आप्पा पाटील यांच्या मातोश्री नर्मदाबाई धनसिंग पाटील यांच्यावर मागील काही दिवसांपासून प्रकृती अवस्थेमुळे उपचार सुरू होते. आज त्यांचे वृद्धापकाळाने दुःखद निधन झाले. दरम्यान, पाचोऱ्यातील चिंतामणी कॉलनी भडगाव रोड येथून आज दुपारी 3 वाजता त्यांच्या अंत्ययात्रेस सुरूवात झाली. दरम्यान, त्यांची अंत्ययात्रा स्मशानभूमीत आल्यानंतर सर्व धार्मिक विधी पार पडल्यानंतर किशोर आप्पा पाटील यांनी त्यांच्या मातोश्री नर्मदाबाई पाटील यांना अग्निडाग दिला.
आमदार किशोर आप्पा पाटील यांच्या मातोश्रीच्या निधनाचे वृत्त सकाळी सर्वत्र समजताच, नातेवाईकांसह विविध क्षेत्रातील लोकांनी पाचोऱ्यातील त्यांच्या निवासस्थानी जाऊन आमदार पाटील यांच्या मातोश्रींचे अंतिम दर्शन घेतले. दरम्यान, आमदार पाटील यांच्या मातोश्रींच्या अंत्यसंस्कारावेळी नातेवाईकांसह विविध क्षेत्रातील मान्यवर मोठ्या संख्येने उपस्थित होते. यावेळी गर्दीचे नियंत्रण करता यावे यासाठी पाचोरा पोलिसांच्यावतीने बंदोबस्त लावण्यात आला होता.
हेही वाचा : अमळनेरचे आमदार अनिल पाटील यांना मंत्रीपद नाही; पण, आता पक्षाकडून मिळाली मोठी जबाबदारी
