मुंबई : मुंबई इंडियन्स आणि दिल्ली कॅपिटल्स या दोन बलाढ्य संघात महिला प्रीमियर लीग 2025 चा अंतिम सामना रंगणार आहे. मुंबईतील ब्रेबॉर्न स्टेडियमवर हा सामना खेळला जाणार आहे. मॅग लॅनिंगच्या नेतृत्वाखालील दिल्ली कॅपिटल्सने सलग तिसऱ्यांदा अंतिम फेरीत प्रवेश केला असून हरमनप्रीत कौरच्या नेतृत्वाखालील मुंबई इंडियन्सने पहिल्या सत्रात दिल्लीला पराभूत करत स्पर्धा जिंकली होती. त्यामुळे आज दोन्हीही संघ विजयाच्या निर्धारानेच मैदानात उतरतील.
जोरदार लढत होणार –
मुंबई इंडियन्सच्या टॉप ऑर्डरमध्ये, नॅट सेवीर ब्रंट आणि हेली मॅथ्यूज हे स्फोटक फलंदाज आहेत. या हंगामात दोघांनीही शानदार फलंदाजी केली आहे. त्याच वेळी, कर्णधार हरमनप्रीत कौर ही बेस्ट फिनिशर आहे. तर दुसरीकडे कॅप्टन मॅग लॅनिंग देखील फॉर्ममध्ये परतली आहे. त्याच वेळी, शेफाली वर्मा आणि जेस जोनासेन या वरच्या फळीत सातत्यानं धावा काढत आहेत. त्यामुळे दोघांमध्ये जोरदार लढत होण्याची शक्यता आहे.
सामना कधी आणि कुठे पाहता येईल :
दिल्ली कॅपिटल्स आणि मुंबई इंडियन्स यांच्यात होत असलेला WPL 2025 चा अंतिम सामना आज 15 मार्च रोजी रात्री 8:00 वाजता सुरू होईल. तत्पूर्वी 7:30 वाजता नाणेफेक होईल. प्रेक्षक हा सामना स्टार स्पोर्ट्स नेटवर्कवर टीव्हीवर पाहू शकतील. यासोबतच सामन्याचे लाईव्ह स्ट्रीमिंग जिओ हॉटस्टार अॅप आणि वेबसाइटवर असेल.
सामन्यासाठी दोन्ही संघ :
मुंबई इंडियन्स : यास्तिका भाटिया, हेली मॅथ्यूज, नॅट सायव्हर-ब्रंट, हरमनप्रीत कौर (कर्णधार), सजीवन सजना, अमेलिया केर, अमनजोत कौर, जी कमलिनी, संस्कृती गुप्ता, शबनीम इस्माईल, सईका इशाक, क्लोई ट्रायॉन, नदीन डी क्लार्क, कीर्तन बालकृष्णन, जिंतीमणी कलिता, पारुनिका सिसोदिया, अमनदीप कौर, अक्षिता माहेश्वरी.
दिल्ली कॅपिटल्स : मेग लॅनिंग (कर्णधार), शफाली वर्मा, जेस जोनासेन, जेमिमा रॉड्रिग्ज, अॅनाबेल सदरलँड, मॅरिझाने कॅप, सारा ब्राइस, निकी प्रसाद, मिन्नू मणी, शिखा पांडे, तितस साधू, राधा यादव, अरुंधती रेड्डी, अॅलिस कॅप्सी, तानिया भाटिया, स्नेहा दीप्ती, नंदिनी कश्यप, नल्लापुरेड्डी चरणी.
हेही वाचा – मित्राला वाचवायला गेले, तिघांचा नदीत बुडून मृत्यू, दुर्दैवी घटना
