जळगाव, 3 जून : जळगाव जिल्हा पोलीस दलात कार्यरत असलेल्या 14 पोलीस अधिकाऱ्यांच्या बदल्या करण्यात आल्या आहेत. जळगाव जिल्हा पोलीस अधीक्षक डॉ. महेश्वर रेड्डी यांनी पोलीस अधिकाऱ्यांच्या बदलीचे हे आदेश काढले आहेत.
एलसीबीच्या पोलीस निरीक्षकांची बदली –
जळगावच्या स्थानिक गुन्हे शाखेच्या (एलसीबी) पोलीस निरीक्षकपदाची जबाबदारी गेल्या वर्षभरापासून बबन आव्हाड यांच्याकडे होती. दरम्यान, आता त्यांची पुन्हा एकदा एमआयडीसी पोलीस स्टेशनच्या निरीक्षकपदी बदल करण्यात आली आहे. तर एमआयडीसी पोलीस स्टेशनचे निरीक्षक संदीप पाटील यांची एलसीबीच्या प्रभारी पोलीस निरीक्षकपदी नियुक्ती करण्यात आली असून त्यांनी काल रात्री 2 जून रोजी पदभार स्विकारलाय.
जळगाव जिल्ह्यातील 14 पोलीस अधिकाऱ्यांच्या बदल्या –
जळगाव जिल्ह्यातील सार्वत्रिक बदल्यांमध्ये प्रशासकीय कारणास्तव पोलीस निरीक्षक, सहाय्यक पोलीस निरीक्षक तसेच पोलीस उपनिरीक्षक या अधिकाऱ्यांच्या बदलीचे आदेश काढण्यात आले आहेत. बदली झालेल्या अधिकाऱ्यांची नावे खालीलप्रमाणे आहेत….
बदली झालेले अधिकाऱ्यांची नावे –
अधिकारी – सध्याची नेमणूक – नवीन नेमणूक
- निरीक्षक बबन आव्हाड – एलसीबी – एमआयडीसी
- निरीक्षक संदीप पाटील – एमआयडीसी – एलसीबी
- कावेरी कमलाकर – चोपडा ग्रामीण – शनी पेठ
- दत्तात्रय निकम – अमळनेर – अमळनेर
- रंगनाथ धारबळे – शनिपेठ – यावल
- प्रदीप ठाकूर – यावल – जिल्हा पेठ
- सुनील पवार – पारोळा – नियंत्रण कक्ष
- सपोनि प्रमोद कठोरे – आर्थिक गुन्हे – शाखा पहूर
- सपोनि जनार्दन खंडेराव – वरणगाव – यावल
- सपोनि अमितकुमार बागुल – भुसावळ बाजारपेठ -वरणगाव
- सपोनि प्रकाश काळे – पिंपळगाव हरेश्वर – जळगाव शहर
- सपोनि कल्याणी वर्मा – जळगाव शहर – पिंपळगाव हरे.
- पोउनि सोपान गोरे – पाचोरा – एलसीबी
