जळगाव, 30 जून : धनगर समाजाच्या (भटक्या जमाती-क) विद्यार्थ्यांना इंग्रजी माध्यमाच्या नामांकित निवासी शाळांमध्ये पहिली आणि पाचवीच्या वर्गात प्रवेशित होणाऱ्या विद्यार्थ्यांना प्रवेश देण्याची योजना इतर मागास बहुजन कल्याण विभागामार्फत राबविण्यात येत आहे. या योजनेअंतर्गत सन 2023-24 या शैक्षणिक वर्षात प्रवेश देण्यासाठी जळगाव जिल्ह्यातील इच्छुक असणाऱ्या विद्यार्थ्यांच्या पालकांकडून यापूर्वी 30 जून, 2023 पर्यत अर्ज मागविण्यात आले होते. या योजनेअंतर्गत अर्ज करण्याची मुदत 7 जुलै, 2023 पर्यंत वाढविण्यात आली आहे.
अर्ज करण्यासाठी सहाय्यक आयुक्त, समाज कल्याण कार्यालय, डॉ. बाबासाहेब आंबेडकर सामाजिक न्याय भवन, मायादेवी मंदिरासमोर, महाबळ रोड, जळगाव येथे संपर्क करावा. अधिक माहितीसाठी कार्यालयीन सहाय्यक आकाश साबळे- 8855909694 व मिलींद पाटील-7972765955 यांच्याशी संपर्क साधावा. असे आवाहन महेंद्र चौधरी, सहाय्यक लेखाधिकारी, समाज कल्याण विभाग यांनी केले आहे.
