कळंब (धाराशिव), 9 ऑगस्ट: महाराष्ट्र शासनाच्या आदिवासी विकास विभागांतर्गत आदिवासी मुलांचे शासकीय वसतिगृह, कळंब येथे जागतिक आदिवासी दिन उत्साहपूर्ण वातावरणात साजरा करण्यात आला. यावेळी आदिवासी समाजाचा गौरवशाली इतिहास, संस्कृती, परंपरा आणि सामाजिक योगदान यावर मार्गदर्शन करण्यात आले.
कार्यक्रमाच्या सुरुवातीला आदिवासी समाजातील थोर महापुरुषांच्या प्रतिमांचे पूजन करून पुष्पहार अर्पण करण्यात आले. यावेळी उपस्थितांना आदिवासी समाजाच्या समृद्ध सांस्कृतिक परंपरा आणि सामाजिक योगदानाची माहिती देण्यात आली.
कार्यक्रमाचे प्रास्ताविक आदिवासी विकास विभागाच्या वसतिगृहाचे गृहपाल एल. एम. रचावाड यांनी केले. सामाजिक कार्यकर्ते राकेश भैय्या कोमटवार यांनी आदिवासी समाजाच्या विकासासाठी शासनामार्फत राबविण्यात येणाऱ्या विविध योजनांची माहिती दिली. तसेच विद्यार्थ्यांसाठी उपलब्ध असलेल्या शैक्षणिक सुविधा आणि शासनाच्या विविध कल्याणकारी योजनांबाबतही त्यांनी मार्गदर्शन केले.
‘शिक्षणाला प्राधान्य द्या’ –
आदिवासी समाजातील विद्यार्थ्यांनी शिक्षणाला प्राधान्य देऊन शासनाच्या विविध योजनांचा लाभ घ्यावा. तसेच शिक्षणाच्या माध्यमातून स्वतःची प्रगती साधून समाजाच्या सर्वांगीण विकासासाठी योगदान द्यावे, असे आवाहन यावेळी करण्यात आले.
कार्यक्रमास सामाजिक कार्यकर्ते अमोल आण्णा शेळके, रोशन भैय्या कोमटवार, मुकुंद साखरे यांच्यासह आदिवासी बांधव अशोक काळे, नवनाथ काळे, वसतिगृहातील विद्यार्थी, अधिकारी, कर्मचारी आणि सामाजिक कार्यकर्ते उपस्थित होते.
