ईसा तडवी, प्रतिनिधी
वरसाडे तांडा (पाचोरा), 1 सप्टेंबर: पाचोरा तालुक्यातील वरसाडे तांडा येथील के. एस. पवार आश्रमशाळेच्या नवीन इमारतीच्या पायाभरणीचा सोहळा उत्साहपूर्ण वातावरणात पार पडला. आमदार किशोर आप्पा पाटील आणि माजी जिल्हा परिषद सदस्य मधुभाऊ काटे यांच्या हस्ते पायाभरणी पूजन करण्यात आले.
या कार्यक्रमाला ग्रामविकास मंडळाचे अध्यक्ष रवीभाऊ गीते, चिटणीस बाळूभाऊ, उद्धवभाऊ मराठे, कृषी उत्पन्न बाजार समितीचे सभापती गणेश बापू, राहुलभाऊ यांच्यासह विविध मान्यवर उपस्थित होते.
वरसाडे तांडाच्या सरपंच प्रशासक सुरेखा पवन पवार, पिंपळगावच्या सरपंच प्रशासक सुनंदाताई कैलास शिरसागर, ग्रामविकास मंडळाचे सदस्य, ग्रामस्थ आणि नागरिक मोठ्या संख्येने उपस्थित होते. यावेळी उपस्थित मान्यवरांचे स्वागत करण्यात आले.
नवीन इमारतीमुळे आश्रमशाळेतील विद्यार्थ्यांना अधिक चांगल्या शैक्षणिक सुविधा आणि सुरक्षित वातावरण उपलब्ध होण्यास मदत होईल, असा विश्वास उपस्थितांनी व्यक्त केला. उत्साहपूर्ण वातावरणात झालेल्या या सोहळ्याला ग्रामस्थांचा उत्स्फूर्त प्रतिसाद मिळाला.
हेही वाचा: सहाय्यक प्राध्यापक भरती प्रक्रिया अधिक पारदर्शक करणार – मंत्री चंद्रकांत पाटील
