ईसा तडवी, प्रतिनिधी
पाचोरा, 21 सप्टेंबर : पाचोरा नगर परिषदेच्या मुख्याधिकारी शोभा बाविस्कर या बिलापोटी अवाजवी रकमेची मागणी करून अडवणूक करीत असल्यामुळे सुरेश गणसिंग पाटील (पप्पूदादा राजपूत ) यांनी आमरण उपोषणाला सुरूवात केली आहे. आज 21 सप्टेंबर रोजी सकाळी 11:00 वाजेपासून त्यांनी तहसील कार्यालयासमोर आमरण उपोषणास सुरुवात केली.
नेमकं काय आहे प्रकरण? –
पाचोरा नगरपरिषदेच्या मुख्याधिकारी शोभा बाविस्कर यांनी ठेकेदारांना नगरपालिकेचे घंटागाडी व कचरा गाडी याचा ठेका दिलेला असताना त्यांचे बिल साधारणता एक ते दीड वर्षापासून स्थगित केलेले असून काही कारणास्तव त्यांना बिल देण्यापासून वंचित ठेवले आहे. तसेच त्यांची पूर्ण रक्कम त्यांना मिळावी यासाठी त्यांनी वेळोवेळी सूचना व निवेदन दिली असून त्यांच्या बिलाची रक्कम देण्यास नगरपालिका प्रशासन देण्यास विलंब करीत आहे, असा आरोप उपोषणकर्त्यांनी केला आहे.
आमरण उपोषणास सुरूवात –
ठेकेदारांचे बिल त्यांना मिळावे यासाठी भरपूर प्रयत्न केले असता त्यांना त्यांची पूर्ण रक्कम न देता कमी बिल देण्याचे सांगितले. दरम्यान, सुरेश गणसिंग पाटील यांनी माझे कामाचे पूर्ण बिल मला मिळावे यासाठी पाचोरा तहसील कार्यालयाजवळ आमरण उपोषणास सुरूवात केली. यावेळी उद्धव ठाकरे गटाच्या नेत्या वैशाली सुर्यवंशी, माजी आमदार दिलीप वाघ, अरुण पाटील, विकास पाटील, खलील दादा देशमुख, काँग्रेसचे सचिन सोमवंशी आदींनी उपोषणास पाठिंबा दिला आहे.
विविध संघटनांचा पाठिंबा –
शिवसेना उद्धव बाळासाहेब ठाकरे, शिवसेना शिंदे गट, राष्ट्रवादी काँग्रेस पार्टी, राष्ट्रीय काँग्रेस पार्टी, वंचित बहुजन आघाडी, एकलव्य संघटना, पाचोरा तालुका पत्रकार संघ, मराठा सेवा संघ, अखिल मराठा समाज सेवा प्रतिष्ठान, रिक्षा युनियन, भाजीपाला मार्केट संघटना, मराठा क्रांती मोर्चा, पत्रकार बांधव व वेगवेगळ्या संघटना, अखिल भारतीय महात्मा फुले समता परिषद, समता सैनिक दल, रयत सेना महाराष्ट्र, जळगाव जिल्हा जागरण मंच, राष्ट्रवादी विद्यार्थी सेना संघटक, भाजप युवा मोर्चा, गुर्जर समाज संकटना, सह शिवराम काका पाटील जागृती मंच जळगाव, इत्यादी संघटनांनी त्यांना पाठिंबा दिला आहे.
यावेळी सुनील युवराज पाटील, अविनाश भालेराव, सुधाकर भाऊ वाघ, सुनील भाऊ शिंदे, अभिलाषा रोकडे, सुनील पाटील, दत्तात्रय बोरसे, विशाल बागुल, बंडू नाना मोरे, मंगेश सोमवंशी, वैभव पाटील, जनार्धन पाटील, जाहीर खान, फहीम शेख, नसीर बागवान, संजय पाटील, योगेश पाटील, अनिल सावंत, शरद पाटील, राजेंद्र राणा, भरत खंडेलवाल, डीजे पाटील, एडवोकेट अण्णा भोईटे, बाबाजी ठाकरे, गुलाबसिंग पाटील, ज्ञानेश्वर ठाकरे, समाधान मुळे, किशोर डोंगरे, दौलतराम वादवाणी, नाना मधुकर पाटील, पी डी भोसले, एडवोकेट दीपक पाटील, धनराज पाटील, संदीप जैन, संतोष पाटील, सचिन येवले सतीश चौधरी, अजय गणेश पवार, भूषण पेंढारकर, योगेश पाथरवट, शहाबाज बागवान, सागर पाटील, एडवोकेट अंकुश कटारे, अनिल लोंढे, खंडू सोनवणे, जय वाघ आदींकडून पाठिंबा मिळाला.
