ईसा तडवी, प्रतिनिधी
पाचोरा, 4 डिसेंबर : देशात 4 राज्यांच्या विधानसभा निवडणूकीचे निकाल काल (3 डिसेंबर) जाहीर करण्यात आले. या निवडणुकीत भारतीय जनता पक्षाने राजस्थान, मध्य प्रदेश व छत्तीसगड या तीन राज्यांमध्ये मोठा विजय प्राप्त केला. भाजपच्यावतीने पाचोरा येथे या विजयाचा जल्लोष साजरा करण्यात आला. भाजपचे पाचोरा-भडगाव विधानसभा निवडणूक प्रमुख अमोल शिंदे यांच्या नेतृत्वात आज अटल भाजपा कार्यालय समोर फटाके फोडून आणि भाजप विजयाच्या जोरदार घोषणा देत पेढे वाटून जल्लोष साजरा करण्यात आला.
काय म्हणाले अमोल शिंदे? –
पंतप्रधान नरेंद्र मोदी व अमित शहा, जे.पी.नड्डा यांच्या नेतृत्वात झालेल्या या निवडणुकांमध्ये भारतीय जनता पार्टीला हा मोठा विजय मिळाला असून जनतेने मोदीजींच्या दूरदृष्टी नेतृत्वावर विश्वास ठेवत भाजपला भरपूर मते दिली आहेत. यानंतर देशात होणाऱ्या लोकसभा आणि महाराष्ट्रातील आगामी विधानसभा निवडणुकांमध्ये देखील भाजप अशाच पद्धतीने महाविजय मिळवेल, असा आत्मविश्वास अमोल शिंदे यांनी यावेळी बोलताना व्यक्त केला.
यांची होती उपस्थिती –
याप्रसंगी बाजार समितीचे मा.सभापती सतीश शिंदे, पंचायत समितीचे मा.सभापती बन्सीलाल पाटील, जिल्हा कोषाध्यक्ष कांतीलाल जैन, शहराध्यक्ष दीपक माने, संजय पाटील, सुनिल पाटील, मुन्नाशेठ अग्रवाल, किरण पांडे, समाधान पाटील, जगदीश पाटील, योगेश ठाकूर, गौरव पाटील, पिंटू चौधरी, विशाल मोरे, राहुल गायकवाड, मनोज धाडीवाल, संदीप पाटील, विकास पवार, प्रदीप पाटील, रोहन मिश्रा, विशाल सोनवणे, राजू चव्हाण, संदीप पाटील, राहुल महाजन, विजय महाजन भावेश पाटील, योगेश लोणारी, अक्षय मंदाडे, आकाश मोरे, आदी पदाधिकारी व कार्यकर्ते उपस्थित होते.
