धुळे, 8 जानेवारी : अंधाराचा गैरफायदा घेत प्रवासातील तरूणीशी जवळीक साधत तिचा विनयभंग करण्यात आल्याची धक्कादायक घटना समोर आली आहे. मालेगाव ते धुळे दरम्यान एका खासगी बसमध्ये शनिवारी सकाळी ही घटना घडली. याप्रकरणी धुळे शहर पोलिस ठाण्यात विनयभंगाचा गुन्हा दाखल झाला. दरम्यान, पोलिसांनी पाचोरा तालुक्यातील खाजोळ येथील किशोर छगन (वय 47) पाटील याला अटक केली आहे.
नेमकं काय आहे प्रकरण? –
मालेगाव येथून धुळ्याकडे एक खासगी ट्रॅव्हल्स निघाली होती. त्याच बसमध्ये धुळ्यातील एक तरूणी प्रवास करित होती. दरम्यान, मालेगाव येथून धुळ्याच्या दिशेने बस निघाल्यानंतर अंधाराचा गैरफायदा घेत बसमधील सहचालकाने संबंधित तरूणीशी जवळीक साधण्याचा प्रयत्न केला.
ही तरूणी या प्रकारामुळे तरूणी घाबरून गेली. दरम्यान, धुळ्यात बस दाखल झाल्यानंतर तिने पालकांसोबत शहर पोलिस ठाणे गाठले आणि संशयिताविरूद्ध फिर्याद दाखल केली. त्यानुसार सहचालक किशोर छगन पाटील याच्याविरोधात गुन्हा दाखल झाला असता त्याला अटक करण्यात आली आहे.
हेही वाचा : सून आणि व्याह्याच्या त्रासाला कंटाळून मुलाच्या वडिलांची आत्महत्या, भडगाव तालुक्यातील धक्कादायक घटना
