ईसा तडवी, प्रतिनिधी
पाचोरा (जळगाव), 13 फेब्रुवारी : पोलीस बॉईज असोसिएशनचे संस्थापक अध्यक्ष प्रमोद तानाजी वाघमारे यांच्या आदेशानुसार आज (13 फेब्रुवारी) रोजी पाचोरा तेथील नदीम शकील शेख यांची पोलीस बॉईज असोसिएशनच्या उत्तर महाराष्ट्र अध्यक्षपदी नियुक्ती करण्यात आली आहे.
नदीम शेख यांनी या अगोदर पोलीस बॉईज असोसिएशन जळगाव जिल्हाध्यक्षपद तसेच पाचोरा तालुका अध्यक्षपद भूषविले होते. त्यामुळे पोलीसांसाठी आजवर त्यांनी केलेली कामे पाहता संस्थापक अध्यक्ष प्रमोद वाघमारे यांनी नदीम शेख यांची उत्तर महाराष्ट्र अध्यक्षपदी नियुक्ती केल्याचे जाहीर केले आहे.
दरम्यान, नदीम शेख यांच्या निवडीबद्दल जळगाव, नाशिक, मालेगाव, धुळे आदी जिल्ह्यातून त्यांचे अभिनंदन करून त्यांना पुढील कार्यास शुभेच्छा दिल्या जात आहेत.
हेही वाचा : मानवाधिकाराविषयी नागरिकांना जागृत करण्याची गरज – दिलीप मोहिते
