सुनिल माळी, प्रतिनिधी
पारोळा, 20 जुलै : पारोळा शहरातील आयडियल इंग्लिश स्कूलमध्ये गुरुपौर्णिमा साजरा करण्यात आली. सर्व प्रथम कार्यक्रमाचे अध्यक्ष डॉ. शांताराम दाजीबा पाटील व कार्यकारी संचालक डॉ. पंकज दाजीबा पाटील, उपाध्यक्ष संकेत शांताराम पाटील व स्कूलच्या प्राचार्य भाग्यश्री संकेत पाटील पाटील यांनी महर्षी व्यास व सरस्वती प्रतिमा पूजन करून कार्यक्रमाला सुरुवात केली.
कार्यक्रमाच्या सुरुवातीला नर्सरी ते इयत्ता 8 वीच्या विद्यार्थ्यांनी आपले मनोगत व्यक्त केले. सर्व शिक्षकांनी देखील गुरू पौर्णिमेविषयी आपले मनोगत वक्त केले. कार्यक्रमाचे अध्यक्ष डॉ. शांताराम दाजीबा पाटील यांनी देखील आपल्या जीवनात गुरूचे काय महत्त्व आहे हे सांगून गुरूचे माहती सांगितली.
दरम्यान, या कार्यक्रमाच्या यशस्वीतेसाठी सर्व शिक्षक व शिक्षकेतर कर्मचाऱ्यांनी परिश्रम घेतले.
हेही वाचा : “कदाचित शरद पवार-अजित पवार एकत्र येतील,” राष्ट्रवादीच्या आमदाराचे मोठे वक्तव्य, नेमकं काय म्हणाले?
