लासगाव (पाचोरा), 5 फेब्रुवारी : पाचोरा तालुक्यातील लासगाव या गावी दरवर्षीप्रमाणे यावर्षीही मोठ्या भव्य स्वरुपात अखंड हरिनाम किर्तन सप्ताहाचे आयोजन करण्यात आले आहे. उद्या सोमवारी 6 फेब्रुवारीपासून या अखंड हरिनाम किर्तन सप्ताहास सुरूवात होत आहे. या किर्तन सप्ताहाचे हे 68 वे वर्ष आहे.
दिंडी सोहळाही निघणार –
हा किर्तन सप्ताह 13 तारखेपर्यंत चालणार आहे. सकाळी 5 ते 6 काकडा भजन, तसेच संध्याकाळी 5 ते 6 हरिपाठ आणि रात्री साडे आठ ते साडेदहा या दरम्यान, किर्तनाचा कार्यक्रम होणार आहे. लासगाव येथील विठ्ठल रखुमाई मंदिर येथे हा किर्तन सप्ताहाचा कार्यक्रम होणार आहे. तसेच सप्ताहाच्या शेवटच्या दिवशी दिंडी सोहळा निघणार आहे. दिनांक 13 फेब्रुवारी 2023 रोजी सकाळी 5 ते 7 वाजेदरम्यान हा दिंडी सोहळा निघणार आहे.
कोणत्या किर्तनाकारांचे होणार किर्तन –
सोमवार 6 फेब्रवारी 2023 – हभप संजयजी महाराज जळगावकर
मंगळवार 7 फेब्रुवारी 2023 – हभप भागवत महाराज शिरसोलीकर
बुधवार 8 फेब्रुवारी 2023 – हभप बबन महाराज पिंपळेसिम
गुरुवार 9 फेब्रुवारी 2023 – हभप भावेश महाराज विटनेरकर
शुक्रवार 10 फेब्रवारी 2023 – हभप चिंतामण महाराज (आबा अडगावकर)
शनिवार 11 फेब्रवारी 2023 – हभप विशाल महाराज बोरणारकर
रविवार 12 फेब्रुवारी 2023 – हभप विजय महाराज रवंजेकर
सोमवार 13 फेब्रुवारी 2023 या दिवशी हभप समाधान महाराज रिंगणगांवकर यांचे काल्याचे किर्तन सकाळी 9 ते 11 दरम्यान होईल.
हेही वाचा – शेतीसाठी दिवसा वीज पुरवठा करुन द्या, पाचोरा येथे एकदिवसीय धरणे आंदोलन
तसेच या किर्तन सप्ताहासाठी गायनाचार्य म्हणून संजय महाराज, सोपान काका धर्माधिकारी हे आठ दिवस हजर राहतील. तर मृदुंगाचार्य म्हणून पंडीत महाराज, दयाराम आण्णा, भगवान महाराज, तसेच पंचक्रोशीतील भजनी मंडळी हे आठही दिवस हजर राहतील. तरी सर्व भाविक भक्तांनी किर्तन श्रवणाचा लाभ घ्यावा, असे आवाहन करण्यात आले आहे.
