जळगाव, 16 सप्टेंबर : जिल्ह्याला हवामान विभागाने ऑरेंज अलर्ट जारी असता जिल्ह्यात सर्वत्र पाऊस सुरू आहे. दरम्यान, हाती आलेल्या ताज्या माहितीनुसार हतनूर धरणाचे पाणलोट क्षेत्रात मध्य प्रदेश येथे मोठ्या प्रमाणात पाऊस सुरू असून हतनूर धरणाचे सर्व 41 दरवाजे पूर्ण क्षमतेने उघडण्यात आलेले आहेत.
नदीकाठच्या गावांना सतर्कतेचा इशारा –
पुढील पुढील तासात हातनुर धरणातून चार लाख क्युसेस पाणी प्रवाह सोडण्यात येणार आहे. हतनूर धरणाची धोका पातळी 215 मीटर असून आज 16 सप्टेंबर रोजी धरणाची पातळी 212 मीटरवर सुरू आहे. धरणाच्या पाणलोट क्षेत्रातील रावेर मुक्ताईनगर तालुक्यात नदीकाठच्या गावांना सतर्कतेचा इशारा देण्यात आलेला आहे.
या तालुक्यांना धोका –
धरणाखाली भुसावळ, यावल, चोपडा, अमळनेर, जळगाव, जामनेर, एरंडोल तसेच धरणगाव या सर्व तालुक्यातील नदीकाठच्या गावांनाही सतर्क राहण्याबाबत कळविण्यात आलेले आहे. तसेच सर्व तहसीलदार व पोलीस विभागास नदीकाठच्या गावी सतर्क राहणेबाबत कळविण्यात आलेले आहे.
आपत्ती व्यवस्थापनासाठी महत्वाच्या सूचना –
पोलीस विभागास विभागाकडे असलेल्या बोटी तसेच पट्टीचे पोहणारे नावाडी, स्थानिक आपत्ती व्यवस्थापन पथक, तसेच आपला मित्र पथक यांना नदीच्या गावी तत्पर राहण्याबाबत प्रशासनाकडून सांगण्यात आले आहे.
