महेश पाटील, प्रतिनिधी
भडगाव, 10 जून : भडगाव ते पाचोरा रोडवरील वर्धमान मॉलचे समोर समर्पण हॉस्पीटलच्या गल्लीने वेलजी भाई सॉ मीलवाले यांचे घरासमोरुन होंडा कंपनीची शाईन मोटारसायकल 6 जून रोजी चोरीला गेली होती. दरम्यान, सुनिल शिवाजी गंजे यांनी दिलेल्या तक्रारीवरून भडगाव पोलिसांत अज्ञाताविरोधात गुन्हा दाखल करण्यात आला होता.
भडगाव पोलिसांची कामगिरी –
भडगाव पोलिसांनी तपासाची चक्रे फिरवत सदर गुन्ह्याचा तपासात सी.सी.टी. व्ही फुटेजच्या आधारे गोपणीय माहिती काढुन चोरीस गेलेल्या मोटर सायकल शोध लावला. ही मोटर सायकल ही भडगाव शहरातील अमोल तुकाराम पाटील (वय- 28 रा. भडगाव) आणि अमोल भागचंद परदेशी (वय-35, भडगाव) यांनी चोरी केल्याची माहिती पोलिसांनी मिळाली.
दरम्यान, या दोघांना पोलिसांना ताब्यात घेत विचारपूस केली असता त्यांनी गुन्ह्याची कबुली दिली. तसेच अजून दोन मोटारसायकल चोरी केली असल्याचे आरोपींनी सांगितले. दरम्यान, भडगाव पोलिसांनी आरोपींकडून तीन मोटारसायकल जप्त केल्या आहेत.
पोलीस अधिक्षक महेश्वर रेड्डी, अपर पोलीस अधिक्षक कविता नेरकर, सहायक पोलीस अधिक्षक अभयसिंह देशमुख, यांच्या मार्गदर्शनाखाली भडगाव पोलीस स्टेशनचे पोलीस निरीक्षक पांडुरंग पवार, पो.उपनिरी. शेखर डोमाळे, पोहेकाँ किरण रविंद्र पाटील, पोहेकाँ निलेश भालचंद्र ब्राम्हणकर, पोकाँ सुनिल जयसिंग राजपुत, पोकौं प्रविण परदेशी, पोकाँ संभाजी पाटील या गुन्ह्याचा तपास केला. दरम्यान, पुढील तपास पोहेकाँ किरण रविंद्र पाटील हे करीत आहेत.
हेही वाचा : केंद्रीय मंत्र्यांचे खातेवाटप जाहीर, रक्षा खडसेंना मिळाली मोठी जबाबदारी
