मुंबई, 14 जानेवारी : सोयबीन खरेदीच्या मुदत वाढविण्यात यावी, याबाबत मोठी मागणी होत होती. अशातच महाराष्ट्रातील शेतकऱ्यांसाठी आनंदाची बातमी समोर आली आहे. केंद्रीय कृषीमंत्री शिवराजसिंह चौहान यांच्याकडून सोयाबीन खरेदीची तारीख 31 जानेवारीपर्यंत वाढविण्यात आली आहे. आधी ही मुदत 13 जानेवारी रोजी संपणार होती.
सोयबीन खरेदीला मुदतवाढ –
राज्य सरकारच्या मागणीनुसार, केंद्रीय कृषी मंत्रालयाने सोयाबीन खरेदीच्या मुदतवाढीसाठी ही परवानगी दिली असल्याचे मुख्यमंत्री देवेंद्र फडणवीस यांच्या समाजमाध्यमांवर सागण्यात आले आहे. सोयाबीन खरेदी सुरुच ठेवण्यासाठी केंद्रीय कृषीमंत्री शिवराज सिंह चौहान यांनी परवानगी दिली असून महाराष्ट्रात सोयाबीन खरेदीची तारीख 31 जानेवारीपर्यंत वाढविण्यात आली आहे.
सोयाबीन खरेदीची मुदत आज (सोमवार) 13 जानेवारी रोजी संपली होती. ती या महिना अखेरपर्यंत वाढवण्यास मोदी सरकारने मंजुरी दिली असल्याने महाराष्ट्रातील शेतकऱ्यांना दिलासा मिळाला आहे. दरम्यान, शेतकऱ्यांच्या हितासाठी कृषी विभाग सतत कार्यरत असून किमान आधारभूत किमतीवर सोयाबीनची खरेदी सुरू आहे. तसेच आतापर्यंत आम्ही विक्रमी 13 लाख 68 हजार 660 मेट्रिक टन सोयाबीन खरेदी केली असल्याचे केंद्रीय कृषी मंत्री शिवराज सिंह चौहान यांनी सांगितले आहे.
हेही वाचा : सरपंच संतोष देशमुख हत्याप्रकरण; नवीन एसआयटी स्थापन, ‘एकही आरोपी सुटता कामा नये’, मुख्यमंत्र्यांचे आदेश
