जळगाव, 4 जानेवारी : जळगाव शहर महानगरपालिकेच्या निवडणुकीचा रणसंग्राम सुरू झाला असून येत्या 15 जानेवारी रोजी मतदान प्रक्रिया पार पडणार आहे. या पार्श्वभूमीवर आज 4 जानेवारी पासून महायुतीच्या उमेदवारांच्या प्रचाराचा नारळ फुटणार असून प्रिंपाळ्यात भारतीय जनता पक्षाचे प्रदेशाध्यक्ष रविंद्र चव्हाण यांची सायंकाळी 5 वाजता जाहीरसभा पार पडणार आहे.
महायुतीच्या उमेदवारांच्या प्रचाराचा होणार सुरूवात –
जळगाव शहरातील पिंप्राळा येथील भवानी मंदिर येथून महायुतीच्या 75 उमेदवारांच्या प्रचाराचे नारळ फोडून प्रचाराला सुरूवात करण्यात येणार आहे. याठिकाणी भाजप प्रदेशाध्यक्ष रविंद्र चव्हाण यांची जाहीरसभा पार पडणार आहे. याप्रसंगी मंत्री गिरीश महाजन, मंत्री गुलाबराव पाटील, केंद्रीय मंत्री राज्यमंत्री रक्षाताई खडसे, मंत्री संजय सावकारे, खासदार स्मिताताई वाघ, आमदार अनिल पाटील, सुरेश भोळे, मंगेश चव्हाण, चंद्रकांत सोनवणे, किशोर पाटील, अमोल जावळे, चंद्रकांत पाटील, अमोल पाटील, गुलाबराव देवकर, भाजपा महानगराध्यक्ष दीपक सूर्यवंशी, शिवसेना जिल्हाप्रमुख विष्णू भंगाळे, राष्ट्रवादीचे जिल्हाध्यक्ष संजय पवार, आरपीआय आठवले गटचे अनिल अडकमोल तसेच महायुतीचे पदाधिकारी उपस्थित राहणार असल्याची माहिती देण्यात आली आहे.
रविंद्र चव्हाण यांची जाहीरसभा –
भारतीय जनता पक्षाचे प्रदेशाध्यक्ष रविंद्र चव्हाण यांची छत्रपती शिवाजी महाराज चौक पिंप्राळा येथे प्रचंड जाहीर सभा येथे होणार आहे. महायुतीचे सर्व 75 उमेदवार व भाजप, शिवसेना शिंदे गट, राष्ट्रवादी काँग्रेस अजित पवार गट, आरपीआय आठवले गटाचे सर्व पदाधिकारी व कार्यकर्त्यांनी उपस्थित राहण्याचे आवाहन भाजप महानगराध्यक्ष दीपक सूर्यवंशी, शिवसेना जिल्हाप्रमुख विष्णू भंगाळे, राष्ट्रवादी जिल्हाध्यक्ष संजय पवार यांनी केले आहे.
